ამის შესახებ რუსეთის თავდაცვის მინისტრმა დღეს გამართულ ბრიფინგზე ისაუბრა.

რატომ არის მნიშვნელოვანი: შოიგუს განცხადებით, ვლადიმერ პუტინმა 2023 წლიდან 2026 წლამდე რუსი სამხედროების რაოდენობის 1,5 მილიონამდე გაზარდა მოითხოვა.

  • უკრაინის გენერალური შტაბის ცნობით, რუსეთში დღემდე მიმდინარეობს მოსახლეობის ფარული მობილიზაცია.
  • 30 დეკემბერს უკრაინის თავდაცვის მინისტრმა, ოლექსი რეზნიკოვმა რუსეთის მოქალაქეები მობილიზაციის ახალი რაუნდის შესახებ გააფრთხილა.

დეტალები: რუსეთის თავდაცვის სამინისტროს ცნობით, იგეგმება დამატებითი დივიზიების, კორპუსებისა და სამხედრო ოლქების შექმნა, ასევე არსებულის გაძლიერება.

  • ხოლო განსაკუთრებული ყურადღება მიექცევა ჯარების დაკომპლექტებას კონტრაქტორი სამხედროებით.

კონტექსტი: რუსეთმა, სექტემბრის ბოლოს, უკრაინის წინააღმდეგ საომრად თავისი მოქალაქეების "ნაწილობრივი" მობილიზაცია გამოაცხადა.

  • პუტინი ამტკიცებდა, რომ რუსეთს მობილიზაციის "ჭარბი" მსურველები ჰყავდა, მიუხედავად იმისა, რომ მობილიზაციის გამოცხადების პარალელურად ქვეყანა ათი ათასობით რუსმა დატოვა.