ინფორმაციას საერთაშორისო მედიები ავრცელებენ.

რატომ არის მნიშვნელოვანი: ათზე მეტი საიდუმლო დოკუმენტი ბაიდენის ყოფილ ოფისში, ნოემბერში, აშშ-ის შუალედური არჩევნების წინ იპოვეს.

  • რესპუბლიკელები მომხდარის დაუყოვნებლივ გამოძიებას ითხოვენ და აშშ-ის ეროვნული დაზვერვის სააგენტოს ხელმძღვანელს მოუწოდებენ, შეისწავლოს, რა ზიანი მიადგა ქვეყნის უსაფრთხოებას პრეზიდენტის მიერ საიდუმლო დოკუმენტების ფლობით.
  • გავრცელებული ინფორმაციით, დოკუმენტები შეიცავს აშშ-ის დაზვერვის ჩანაწერებს, ასევე — უკრაინასთან, ირანსა და დიდ ბრიტანეთთან დაკავშირებული ბრიფინგების მასალებს.
  • ბაიდენი ამბობს, რომ დოკუმენტების შინაარსზე არაფერი იცის და მათი აღმოჩენით თავადაც გაკვირვებულია.

დეტალები: ჯო ბაიდენის თანაშემწეებმა საიდუმლო დოკუმენტების ახალი პარტია კიდევ ერთ ლოკაციაზე აღმოაჩინეს.

  • ჩანაწერები, სავარაუდოდ, ბარაკ ობამას პრეზიდენტობის დროინდელია, როცა ჯო ბაიდენი ვიცე პრეზიდენტის პოსტს იკავებდა, თუმცა უცნობია, როგორ აღმოჩნდა დოკუმენტები კერძო ოფისში.
  • საკითხს აშშ-ის იუსტიციის დეპარტამენტი სწავლობს.