ცოტა ხნის წინ უენსდეი ადამსის ფანმა ტვიტერზე ტატუს ფოტო გამოაქვეყნა, რომელიც მაშინვე ვირუსულად გავრცელდა. ამის მიზეზი კი ის არის, რომ უენსდეის ტატუ მსახიობ ჯენა ორტეგას საერთოდ არ ჰგავს. ტვიტერის მომხმარებლებმა ტატუ სემუელ ელ ჯეკსონს მიამსგავსეს, რაც ბევრი მიმისა და ხუმრობის ინსპირაციის წყარო გახდა.

"როცა უენსდეი ადამსის ტატუს იკეთებ იმის გაგების შემდეგ, რომ პერსონაჟის როლს სემუელ ელ ჯეკსონი შეასრულებს", — ტატუს შესახებ ერთ-ერთმა მომხმარებელმა ასე იხუმრა.

ფოტო: Getty Images / Twitter

სერიალის ზოგი გულშემატკივარი თვლის, რომ უენსდეის ტატუ სემუელ ელ ჯეკსონის ბავშვობას უფრო ჰგავს, ზოგმა კი ის აფრიკელ კომიკოსს, Grand M-ს მიამსგავსა.

ფოტო: Twitter

შეგახსენებთ, რომ სერიალი, სახელად Wednesday, ცნობილი ოჯახის ერთ-ერთი წევრის, უენსდეი ადამსის, ამბავს მოგვითხრობს და მისი პრემიერა ცოტა ხნის წინ შედგა. 2022 წლის სერიალში ლეგენდარულ უენსდეი ადამსს ჯენა ორტეგა ასახიერებს, რომელიც საკმაოდ მოკლე დროში პოპულარული გახდა. სცენამ, რომელშიც უენსდეი ცეკვავს, ყველა სოციალური ქსელი მოიცვა და მილიონობით ნახვა დააგროვა.