დღეს, ჭორვილაშიც მიხეილ სააკაშვილი მხარდამჭერი აქცია იგეგმებოდა.

რატომ არის მნიშვნელოვანი: რუსი უფლებადამცველის, მარკ ფეიგინის ინიციატივით, 4 იანვარს ყოფილი პრეზიდენტის მიხეილ სააკაშვილის მხარდასაჭერად "გლობალური აქცია" სხვადასხვა ლოკაციებზე იმართება.

  • აქციის მონაწილეები ბიძინა ივანიშვილის სახლთან მობილიზებულმა ადგილობრივებმა და სამართალდამცავებმა ჭორვილაში არ შეუშვეს.

დეტალები: ადგილობრივებმა აგრესიული ქმედებებით მიხეილ სააკაშვილის მხარდამჭერებს ბანერების და დროშების გაშლის საშუალება არ მისცეს.

  • აქციის მონაწილის, ალიკა კუპრავას განცხადებით, "როგორც მოსალოდნელი იყო, ბიძინა ივანიშვილმა სოფლის ყველა შესასვლელი ჩაკეტა, შსს ქცეულია მის პირადი დაცვის სამსახურად".
  • ჭორვილას შესასვლელთან იმყოფებოდა ენმ-ს თავმჯდომარეობის ერთ-ერთი კანდიდატი, გიორგი მუმლაძე.
  • სააკაშვილის მხარდამჭერები დღეს აქციის გამართავს აპირებენ შეკვეთილშიც, ივანიშვილის რეზიდენციასთან.

ამასთანავე, მიხეილ სააკაშვილის მხარდამჭერი ორი სხვადასხვა აქციაა დაგეგმილი თბილისშიც.

  • ერთიანი ნაციონალური მოძრაობა აქციას მშვიდობის ხიდთან გამართავს.
  • პარტიის თავმჯდომარეობის ერთ-ერთი კანდიდატი, ლევან ხაბეიშვილი კი კანცელარიიდან ბიძინა ივანიშვილის ბიზნესცენტრამდე მსვლელობას აანონსებს.