მათი განცხადებით, აკრძალული ტელეფონების გამოყენებამ უკრაინას საშუალება მისცა სამიზნე დაედგინა.

რატომ არის მნიშვნელოვანი: ეს ერთ-ერთი ყველაზე დიდი სამხედრო დანაკარგია, რისი აღიარებაც რუსეთს უკრაინაში შეჭრის შემდეგ მოუწია.

  • მოსკოვის მიერ ბრძოლის ველზე მსხვერპლის დადასტურება იშვიათი მოვლენაა და მოსალოდნელია, არც გაჟღერებული რიცხვები ასახავდეს სინამდვილეს.
  • საახალწლო ზეიმის პარალელურად, მოვლენას რუსეთში დიდი რეზონანსი მოყვა, სადაც მეტწილად ბრალი ისევ აფეთქებულ რუს სამხედროებს დაეკისრათ.
  • აგრეთვე, პუტინმა, სამშაბათს ხელი მოაწერა განკარგულებას ომში დაღუპული ეროვნული გვარდიის ჯარისკაცების ოჯახებისთვის 5 მილიონი რუბლის ($69,000 ) გადახდაზე.

დეტალები: რუსეთმა განაცხადა, რომ ახალი წლის დღეს, ადგილობრივი დროით 00:01 საათზე, რუსული ბაზის მიმართულებით ამერიკული წარმოების სარაკეტო სისტემიდან „ჰიმარის“ ექვსი რაკეტა ისროლეს.

  • უკრაინის ცნობით, დონეცკის ოკუპირებულ მაკეევკაში სარაკეტო თავდასხმისას 400 ჯარისკაცი დაიღუპა და 300 დაიჭრა.
  • რუსული მხარის ცნობით, სარაკეტო თავდასხმას სულ მცირე 89 რუსი ჯარისკაცი ემსხვერპლა.

პროფესიული კოლეჯი, რომელსაც რუსები სამხედრო ბაზად იყენებდნენ, სავსე იყო მობილიზებული წვევამდელებით.

  • ზოგიერთი რუსი პოლიტიკოსი სამხედროებს არაკომპეტენტურობაში ადანაშაულებს და აცხადებს, რომ ჯარები დაუცველ საცხოვრებელში იმყოფებოდნენ.
  • ასევე, ერთ შენობაში დიდი რაოდენობით ჯარისკაცების განთავსება "დანაშაულებრივ დაუდევრობად" შეაფასა დონეცკში რუსეთის მარიონეტული ორგანოს ყოფილმა ლიდერმა, პაველ გუბარევმა.