ქართული წარმოშობის რუსეთში მოღვაწე მომღერლისთვის მოქალაქეობის ჩამორთმევის ინიციატივით გამოვიდა რუსეთის პარლამენტის ზედა პალატის, ფედერაციის საბჭოს წევრი ელენა აფანასიევა.

რატომ არის მნიშვნელოვანი: 2 იანვარს სოციალური ქსელებით გავრცელდა ვიდეო, რომელშიც მელაძე სიტყვებს: დიდება უკრაინა (Слава Україні!), პასუხობს: დიდება გმირებს (Героям слава!).

  • არსებული ინფორმაციით ვიდეო დუბაიშია გადაღებული ერთ-ერთ წვეულებაზე.
  • სწორედ ამ ვიდეოს შემდეგ მოითხოვა დეპუტატმა მელაძისთვის რუსეთის მოქალაქეობის ჩამორთმევა.
  • მანამდე პარტია სამართლიანი რუსეთი — სიმართლისთვის ხელმძღვანელმა, სერგეი მირონოვმა განაცხადა, რომ მელაძეს უნდა ჩამოერთვას ყველა არსებული ტიტული.

დეტალები: ვალერი მელაძე რუსეთში მოღვაწე იმ ცნობილ სახეებს შორის იყო რომლებმაც უკრაინაში ომი დაგმეს.

  • ომის დაწყების დღეს მან ვიდეომიმართვა გაავრცელა, რომელშიც უკრაინაში საომარი მოქმედებების შეწყვეტას და მოლაპარაკების მაგიდასთან დაჯდომას ითხოვდა.
  • მელაძეს რუსეთის დანაშაულზე არ უსაუბრია და სანაცვლოდ თქვა, რომ მომხდარს ისტორია ოდესმე განსჯის და ყველაფერს თავის ადგილზე დააყენებს.

არქივიდან: ბათუმში დაბადებული მუსიკოსი 90-იანი წლებიდან რუსეთში ცხოვრობს.

  • მას მიღებული აქვს რუსეთის ფედერაციის დამსახურებული არტისტის წოდება.