31 დეკემბერს უკრაინელმა სამხედროებმა სარაკეტო სისტემებით HIMARS იერიში მიიტანეს დონეცკის ოლქის დასახლებულ პუნქტ მაკეევკაში მდებარე რუსულ ბაზაზე.

რატომ არის მნიშვნელოვანი: უკრაინის გენშტაბი აცხადებს, რომ თავდასხმის შედეგად დაიღუპა ან დაიჭრა 500-მდე რუსი სამხედრო.

  • თავდასხმა რუსეთმა 2 დეკემბერს დაადასტურა, თუმცა ისინი ამტკიცებენ, რომ არის გაცილებით მცირე დანაკარგი — მათ 63 ადამიანის დაღუპვის შესახებ განაცხადეს

ISW-ს შეფასებით, რუსეთის თავდაცვის სამინისტრო ცდილობს მაკეევკაში დიდი მსხვერპლის გამო, პასუხისმგებლობა გადაიტანოს დონეცკის ე.წ. სახალხო რესპუბლიკის ხელმძღვანელებზე.

  • ომის შემსწავლელი ინსტიტუტი წერს, რომ უკრაინელი სამხედროების დარტყმის გამო, რუსეთში მწვავედ აკრიტიკებენ სამხედრო ხელმძღვანელობას.

გარდა ამისა, როგორც Reuters წერს, რუსი ნაციონალისტები და კანონმდებელთა ნაწილი პასუხისმგებელი მთავარსარდლების დასჯას ითხოვენ.

  • მედიის ინფორმაციით, მათ მოსალოდნელი საფრთხის უგულებელყოფაში სდებენ ბრალს.