ინფორმაციას უკრაინის უშიშროების სამსახური ავრცელებს.

რატომ არის მნიშვნელოვანი: უწყების ცნობით, ის სადაზვერვო მონაცემებს რუსულ სპეცსამსახურებს გადასცემდა.

  • უშიშროების განცხადებით, ის ომის დაწყების დღიდან ლიმანის მიმართულების უკრაინის თავდაცვის ძალების ნაწილების ადგილმდებარეობასა და გადაადგილებაზე აგროვებდა ინფორმაციას.
  • დაკავებული დონეცკის ოლქის მაცხოვრებელია.

დეტალები: მოგვიანებით ის ლვოვში გადავიდა და დევნილის საფარქვეშ ერთ-ერთ ენერგეტიკულ ობიექტთან დასახლდა, საიდანაც დივერსიული საქმიანობა და ოკუპანტებისთვის მუშაობა გააგრძელა.

  • უშიშროების თქმით, საგამოძიებო მოქმედებების ჩატარებისას დაკავებულს მობილური ტელეფონი და მასში ოკუპანტებთან მიმოწერები აღმოუჩინეს.