დონეცკის დე ფაქტო ხელისუფლებამ აღიარა მსხვერპლი, თუმცა მონაცემები ჯერჯერობით არ დაუდასტურებია.

რატომ არის მნიშვნელოვანი: ოკუპანტები საახალწლო დღეებშიც არ წყვეტენ თავდასხმებს — გუშინ ღამით აფეთქების ხმები ისმოდა კიევში.

  • დონეცკის დროებით ოკუპირებულ ტერიტორიებზე რუსების მხარდაჭერილმა მაღალჩინოსანმა, დანიილ ბესონოვმა თქვა, რომ აფეთქებების ხმა მაკევკაში ახალი წლის დადგომიდან 2 წუთში გაისმა.
  • მისი თქმით, უკრაინელებმა პროფესიული სასწავლებელი დაბომბეს, თუმცა, რეალურად, შენობაში ოკუპანტების სამხედრო ბაზა იყო მოწყობილი.
  • "იყო დაღუპულები და დაჭრილები, ზუსტი რაოდენობა ჯერ უცნობია", — დაწერა მან ტელეგრამში.

დანაკარგი არაერთმა რუსმა კომენტატორმა და ბლოგერმა აღიარა, თუმცა ამტკიცებენ, რომ რიცხვები უფრო დაბალია, ვიდრე ამას უკრაინა იუწყება.

  • დე ფაქტო ადმინისტრაციის განცხადებით, ახალი წლის ღამეს ოლქში სულ მცირე 25 რაკეტა გაისროლეს.