საქართველოს შინაგან საქმეთა სამინისტროს ნარკოდანაშაულის ბრალდებით ერთი პირი დააკავა. ამის შესახებ ინფორმაციას უწყების პრესსამსახური ავრცელებს.

უწყებაში აღნიშნავენ, რომ სამართალდამცველებმა, დაკავებულის პირადი და საცხოვრებელი ბინის ჩხრეკისას, 56 აბი ნარკოტიკული საშუალება MDMA და 1,8876 გრამი ახალი ფსიქოაქტიური ნივთიერება - ე.წ. ბიო ამოიღეს.

საქმეზე გამოძიება საქართველოს სისხლის სამართლის კოდექსის 260-ე მუხლის მეორე ნაწილით და მესამე მუხლის "ა" ქვეპუნქტით მიმდინარეობს. ამ მუხლით, დიდი ოდენობით ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა ან გადაგზავნა ისჯება თავისუფლების აღკვეთით ვადით ხუთიდან რვა წლამდე.