ბოლო რეგულარული რეისი ჩინეთიდან საქართველოს მიმართულებით 2020 წლის 23 იანვარს შესრულდა.

რატომ არის მნიშვნელოვანი: კორონავირუსის გავრცელების საფრთხის გამო China Southern Airlines-მა საქართველოს მიმართულებით ფრენები, 2020 წლის იანვარში, პანდემიის დროს შეაჩერა.

  • ურუმჩი — თბილისი — ურუმჩის საჰაერო ხაზზე რეგულარული ფრენები 2023 წლის იანვრიდან დაიწყება.
  • საქართველოს სამოქალაქო ავიაციის სააგენტოს განცხადებით, რეგულარული რეისები ურუმჩისა და თბილისს შორის ზამთრის სანავიგაციო სეზონის ბოლომდე — 2023 წლის 25 მარტამდე, კვირაში 1 სიხშირით, ყოველ პარასკევს შესრულდება.

დეტალები: საქართველოს ეკონომიკისა და მდგრადი განვითარების მინისტრის მოადგილის თქმით, ჩინეთი საქართველოს ტურისტული სექტორისთვის ერთ-ერთი პრიორიტეტული მიმართულებაა, ჩინეთიდან ჩამოსული ტურისტები გამოირჩევიან მხარჯველუნარიანებით.

  • "აგრეთვე დადებითად აისახება 2023 წელს ტურიზმისა და სამოქალაქო ავიაციის სექტორის განვითარების დინამიკაზე და დამატებითი სტიმული გახდება საქართველოსა და ჩინეთს შორის სავაჭრო - ეკონომიკური ურთიერთობების გაღრმავების მიმართულებითაც",— განაცხადა მარიამ ქვრივიშვილმა.
  • მისი თქმით, ქვეყნის საავიაციო პოლიტიკის განმსაზღვრელი სხვა უწყებები აქტიურად საქმიანობენ საქართველოს ავიაბაზარზე ახალი ავიაკომპანიების შემოსაყვანად.