მაისის სტუდენტური მოძრაობა დღეს უნივერსიტეტის რექტორის არჩევის წესის გასაპროტესტებლად შეიკრიბა.

რატომ არის მნიშვნელოვანი: ხვალ სახელმწიფო უნივერსიტეტში რექტორის არჩევნებია, რომელშიც მხოლოდ ერთი კანდიდატი — ჯაბა სამუშია მონაწილეობს.

  • სტუდენტები რექტორის არჩევის წესს არადემოკრატიულად აფასებენ და აპროტესტებენ.
  • მათი თქმით, "რექტორს ირჩევს საუნივერსიტეტო და სამთავრობო ელიტა და არა აკადემიური სივრცე".

დეტალები: სტუდენტური მოძრაობის წევრების განცხადებით, ისინი პროტესტის მიზნით საარჩევნო ოთახის, 107ე აუდიტორიის კარის გადაკეტვას ცდილობდნენ.

  • ადგილზე დაცვის უნივერსიტეტის თანამშრომელი მივიდა, რომელმაც სტუდენტების განცხადებით, მათზე ფიზიკურად და სიტყვიერად იძალადა.
  • სტუდენტები შემთხვევის ამსახველ ვიდეო მასალას სოციალურ ქსელში ავრცელებენ.