ამის შესახებ უკრაინის თავდაცვის სამინისტროს სადაზვერვოს მთავარი სამმართველოს წარმომადგენელმა ანდრეი იუსოვმა განაცხადა.

რატომ არის მნიშვნელოვანი: პუტინმა სამხედრო მობილიზაცია რუსეთში 21 სექტემბერს გამოაცხადა, რასაც ქვეყანაში პანიკა და მოქალაქეების მასობრივი გადინება მოჰყვა.

  • მობილიზაციის პროცესი მნიშვნელოვანი დარღვევებით მიმდინარეობდა, რაც არაერთხელ გაშუქდა მედიაში — გამოუცდელი და გამოცდილი პირები შესაბამისი მომზადების, აღჭურვილობისა და ტექნიკის გარეშე გაუშვეს ფრონტზე.
  • მობილიზაციის გამოცხადებამდე, რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა.
  • 28 ოქტომბერს თავდაცვის მინისტრმა, სერგეი შოიგუმ რუსეთის პრეზიდენტს, ვლადიმერ პუტინის ნაწილობრივი მობილიზაციის დასრულების შესახებ აცნობა.
  • 19 ნოემბერს ISW-ის ანგარიშში ნათქვამი იყო, რომ კრემლი მობილიზაციის მორიგი ტალღისთვის ემზადება.
  • გაიდაის ცნობით, 11 დეკემბერს, ლუგანსკის ოლქში ოკუპანტებმა იძულებითი სამხედრო მობილიზაცია ისევ გააქტიურეს.

დეტალები: Unian-ის ცნობით, მონაცემები უკრაინულმა დაზვერვამ ზარების მოსმენით მოიპოვა.

  • დაზვერვის მტკიცებით, ნაწილობრივ მობილიზებული ყოველი მეოთხე რუსიდან ერთი ან ფიქრობს, ან აპირებს, ან უკვე ჰქონდა მცდელობა, რომ გაქცეულიყო.
  • მათივე ცნობით, ზოგიერთი რუსი იმ სარდაფში იმალება, რომელსაც უკრაინის მოქალაქეების უკანონო პატიმრობისთვის იყენებენ.
  • "მათ არ ესმით, რატომ აგზავნის მათ პუტინი, სად აგზავნიან", — აცხადებენ დაზვერვაში.