მთავარი დეტალები კონგრესში ზელენსკის ისტორიული გამოსვლიდან
რატომ არის მნიშვნელოვანი: ომის დაწყების შემდეგ უკრაინის პრეზიდენტმა ქვეყანა პირველად დატოვა და ვაშინგტონში ჩავიდა.
- ზელენსკის ვიზიტს, ისევე, როგორც მის სიტყვას კონგრესში, უკვე უწოდეს ისტორიული.
- მას ადარებენ უინსტონ ჩერჩილს, რომელმაც 81 წლის წინ, დეკემბერში კონგერსს მიმართა.
- "კიდევ ერთი ისტორიული ლიდერი მიმართავს კონგრესს ომის დროს", — განაცხადა პალატის სპიკერმა, ნენსი პელოსმა და აღნიშნა, რომ ეს მისთვის დიდი პატივია.
ვიზიტის დეტალები: ზელენსკი ვაშინგტონის მახლობლად სამხედრო აეროპორტში დაეშვა, საიდანაც თეთრ სახლში მივიდა და აშშ-ს პრეზიდენტსა და პირველი ლედის შეხვდა.
- პრეზიდენტებმა მედიის თანდასწრებით ერთმანეთს მიმართეს, რასაც დახურული შეხვედრა მოჰყვა, შემდეგ კი ერთობლივი პრესკონფერენციაც გამართეს.
- თეთრი სახლიდან ზელენსკი კაპიტოლიუმში მივიდა — კონგრესმენები მას ოვაციებითა და რამდენიმეწუთიანი უწყვეტი ტაშით შეხვდნენ.
რაზე ილაპრაკა კონგრესში: სიტყვა, ტრადიციულად, მადლიერებით დაიწყო ამერიკელი ხალხისა და პოლიტიკოსების მიმართ. ხოლო პალატის სპიკერს, ნენსი პელოსის განსაკუთრებული მადლობა გადაუხადა უკრაინაში ჩასვლისა და სიმამაცისთვის.
- აღნიშნა, რომ იქ ყოფნა და საუბარი მისთვის პრივილეგიაა და იმედი გამოთქვა, რომ კონგრესმენები ახლო მომავალში უკრაინაში ჩავლენ.
- ემოციური სიტყვა ჰქონდა, რომელიც ტაშით არაერთხელ გააწყვეტინეს, მაგალითად, მაშინ, როცა თქვა: "ყოველგვარი შანსების არარსებობის, განწირული და ბნელი სცენარის საწინააღმდეგოდ, უკრაინა არ დაეცა. უკრაინა ცოცხალია და იბრძვის".
- ყურადღება გაამახვილა მშვიდობის საჭიროებაზე და კონგრესს შეახსენა, რომ უკრაინამ მსოფლიოს შესთავაზა სამშვიდობო ფორმულა — 10 პუნქტი, რომელიც ერთობლივი უსაფრთხოებისთვის უნდა განხორციელდეს.
- მისივე თქმით, ბაიდენი ამ გეგმას მხარს უჭერს და შესაძლოა, მშვიდობის სამიტიც ჩატარდეს.
უკრაინის ბრძოლა და რუსეთი: ისაუბრა სანქციებზე, რომელიც რუსეთს უნდა დაუწესდეს და განმარტა, რომ ასე, შესაძლოა, ოკუპანტებმა იგრძნონ, რამდენად დამღუპველია მათი აგრესია.
- "თქვენი ძალაა, ნამდვილად დაგვეხმაროთ პასუხისგებაში მიეცეს ყველა, ვინც დაიწყო ეს კრიმინალური ომი. მოდით, გავაკეთოთ ეს. დაე, აგრესიაზე პასუხისმგებელი იყოს ტერორისტი და აანაზღაუროს ამ ომის შედეგად მიყენებული ყველა დანაკარგი", — თქვა ზელენსკიმ.
- ხაზი გაუსვა, რომ ომის სისასტიკის მიუხედავად, უკრაინელები შობას მაინც აღნიშნავენ: "ელექტროენერგია რომც არ იყოს, ჩვენი რწმენის შუქი არ ჩაქრება".
- განმარტა, რომ უკრაინაში არის ფრონტის ხაზი, ტირანია, რომელსაც არ აკლია სისასტიკე თავისუფალი ადამიანების მიმართ და მხარდაჭერა მნიშვნელოვანია არა მხოლოდ ასეთ ბრძოლაში, არამედ გადამწყვეტ მომენტამდე.
- "რუსულმა ტირანიამ ჩვენზე კონტროლი დაკარგა. მე ვიცი ერთი მნიშვნელოვანი რამ, რუსებს ექნებათ შანსი იყვნენ თავისუფლები, მხოლოდ მაშინ, როცა დაამარცხებენ კრემლს თავიანთ გონებაში", — განაცხადა ზელენსკიმ.
ფართო სურათში: პრეზიდენტმა უკრაინელების ბრძოლა ამერიკელი ჯარისკაცების ბრძოლას შეადარა მეორე მსოფლიო ომის დროს და თქვა, რომ როგორც ისინი იბრძოდნენ ჰიტლერის წინააღმდეგ, ისე იბრძვიან უკრაინელი ჯარისკაცები პუტინის წინააღმდეგ.
- ხაზგასმით ისაუბრა ირანულ დრონებზე, რომლითაც რუსეთი კრიტიკული ინფრასტრუქტურის ობიექტებს ბომბავს.
- "ასე იპოვა ერთმა ტერორისტმა მეორე. მხოლოდ დროის საკითხია, როდის დაარტყამენ ისინი თქვენს სხვა მოკავშირეებს, თუ ჩვენ მათ ახლა არ შევაჩერებთ. ჩვენ ეს უნდა გავაკეთოთ", — უთხრა კონგრესს.
- ცდილობდა აეხსნა, რომ ფული, რომელსაც უკრაინა დახმარების სახით იღებს, ქველმოქმედება კი არა, ინვესტიციაა გლობალურ უსაფრთხოებასა და დემოკრატიაში.
ბახმუტი: ზელენსკიმ ფრონტის ყველაზე ცხელ წერტილზე ისაუბრა და თქვა, რომ შარშან იქ 70 ათასი ადამიანი ცხოვრობდა, ახლა კი მხოლოდ რამდენიმე მშვიდობიანი მოქალაქეა დარჩენილი და მიწის ყოველი სანტიმეტრი სისხლითაა გაჟღენთილი.
- "რუსები ყველაფერს იყენებენ, რაც აქვთ ბახმუტისა და ჩვენი სხვა ლამაზი ქალაქების წინააღმდეგ, ოკუპანტებს აქვთ მნიშვნელოვანი უპირატესობა არტილერიაში. მათ აქვთ უპირატესობა საბრძოლო მასალაში. მათ აქვთ ბევრად მეტი რაკეტა და თვითმფრინავი", — განაცხადა პრეზიდენტმა.
- მისივე განმარტებით, ამ ბრძოლის გაყინვა ან გადადება არ შეიძლება იმ იმედით, რომ რამე მექანიზმი დაცვას უზრუნველყოფს.
- პრეზიდენტმა კონგრესს გადასცა დროშა, რომელიც ბახმუტში მყოფმა მებრძოლებმა გაატანეს.
დასასრული: როცა ზელენსკიმ საუბარი დაასრულა კონგრესში ისევ ტაშის და ოვაციების ხმა იყო, მაგრამ პრეზიდენტმა რამდენიმე წინადადების დამატება ისურვა:
- "ღმერთმა დაიფაროს ჩვენი გმირი ჯარი და მოქალაქეები. ღმერთმა სამუდამოდ დალოცოს ამერიკის შეერთებული შტატები. გილოცავთ შობას და ბედნიერ, გამარჯვებულ ახალ წელს გისურვებთ. დიდება უკრაინას".
- ამის შემდეგ ის ისევ მხურვალე ტაშით გააცილეს.
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
კომენტარები