ახალი ამბები On.ge

ლევან დავითაშვილი

20 Dec. 2022, 14:03

ყველამ მოვისმინეთ, რომ ჰააგის საქმის მთავარმა პროკურორმა, ქარიმ ხანმა თავად აღნიშნა, რომ საქართველოს ხელისუფლებასთან მჭიდრო თანამშრომლობის შედეგად დაიდო გამოძიების შედეგი და სწორედ ამიტომ, ის აჟიოტაჟი, რაც ოპოზიციის მხრიდან იყო გამოწვეული, ჩემთვის აბსოლუტურად გაურკვეველია. [...]

პირველად 20 წლის განმავლობაში მათ დაასრულეს ძიების პირველი ეტაპი. თუმცა ძალიან ბევრი რამ მომავალში უნდა გაკეთდეს, რადგან აღსრულებაა მნიშვნელოვანი პროცესი და აღსრულების პროცესში იუსტიციის სამინისტრომ გააკეთა მკაფიო განცხადება, თუ რა ნაბიჯებს დგამს და გადადგამს საქართველოს ხელისუფლება. როგორც სტრასბურგის, ისე ჰააგის სხვადასხვა ეტაპზე ცალსახად ჩანს საქართველოს მთავრობის და იუსტიციის სამინისტროს აქტიური ჩართულობით, რა შედეგები დადგა დღეს და რა შედეგები იყო მანამდე.

ამიტომ ის აჟიოტაჟი, რაც ოპოზიციის მხრიდან იყო გამოწვეული, ჩემთვის აბსოლუტურად გაურკვეველია. მინდა, აქვე გამოვეხმაურო მთავრობის ადმინისტრაციაში გუშინ გამართულ ბრიფინგს, როდესაც კითხვა დაისვა ჰააგის პროკურატურის ერთი ეტაპის დასრულებასთან დაკავშირებით და ჩემი მხრიდან იყო პასუხი, რომ ინფორმაციას არ ვფლობდი. მოგეხსენებათ, ბოლო დღეების განმავლობაში რამდენიმე საერთაშორისო ვიზიტი მოგვიწია და ამიტომ ჩავთვალე, რომ კითხვა ეხებოდა ბოლო წუთებში გავრცელებულ ინფორმაციას, რომელიც ჩემთვის არ იყო ცნობილი. ამიტომ მინდა მოსახლეობისთვის განვუმარტო, რომ ჩემი პასუხი ჟურნალისტის კითხვაზე არასწორად იყო ინტერპრეტირებული.

ლევან დავითაშვილის ამ განმარტებას ეკონომიკის სამინისტრო ავრცელებს. 19 დეკემბერს ეკონომიკის მინისტრმა მთავრობის სხდომის დასრულების შემდეგ თქვა, რომ ჰააგის სასამართლოს გადაწყვეტილებაზე ინფორმაცია არ აქვს. საერთაშორისო სასამართლომ აგვისტოს ომის საქმეზე გამოძიება დაასრულა და 3 ოსი და 1 რუსი დამნაშავედ ცნო.

0 0

კომენტარები

კვირის ტოპ-5

  1. მოსკოვში ბიზნესმენ მამუკა წერეთლის ყოფილი მეუღლის დანაწევრებული ცხედარი იპოვეს, 19 წლის შვილის გვამი კი — ეჭვმიტანილის ავტოფარეხში
  2. კახა კახიშვილი: პენსია 6 ან 7 დღის საბაზისო ხარჯებს უფარავს, დანარჩენი 23 დღე როგორ უნდა იცხოვროს პენსიონერმა?
  3. "სასურველია, პენსია 20-ის ნაცვლად 30 ლარით გაიზარდოს“ — ზაზა ლომინაძე
  4. თბილისის სამ უბანს წყალი 24 საათით შეუწყდება — ქუჩების ჩამონათვალი
  5. ვალერი გელაშვილი საგადასახადო ჯარიმის გამო ბიზნესს ყიდის და ვენესუელაში გადადის საცხოვრებლად

გირჩევთ

ახლა კითხულობენ

გადახედვა

გია ხუხაშვილი: პრემიერობის დაისი მოახლოებულია, დასაშვებია, რომ ახალი პრემიერი მარიამ ქვრივიშვილი იყოს

პოლიტოლოგ გია ხუხაშვილის განცხადებით, პრემიერის გადადგომისთვის სიტუაცია უკვე მომზადებულია. მისი ვარაუდით, ამის ერთ-ერთი…