ამის შესახებ დაურ ბუავამ სოციალურ ქსელში განაცხადა.

რატომ არის მნიშვნელოვანი: ბუავას თქმით, იგი საქართველოს მოქალაქე გამარტივებული წესით გახდა.

  • "ოფიციალური თბილისი აფხაზეთის მკვიდრებს თავის მოქალაქეებად მიიჩნევს, ეს შეეხება სამაჩაბლოსაც", — ამბობს ბლოგერი და დასძენს, რომ "ოკუპირებულ ტერიტორიებზე" მცხოვრებთათვის ეს ფორმა იანვრიდან კიდევ უფრო გამარტივდება.

დეტალები: დაურ ბუავა, რომელიც ახალგაზრდული ორგანიზაციის, "ამრას" დამფუძნებელია, თბილისში ამ წლის შემოდგომიდან ცხოვრობს.

  • 28 წლის ტიკტოკერი ქალაქ ტყუაჩალიდანაა.
  • აფხაზეთის დე ფაქტო უსაფრთხოების სამსახურმა მას 19 მაისს "სახელმწიფოს ღალატისთვის" ბრალი წარუდგინა.
  • მეტწილად კი იმიტომ, რომ "ვიდეო პუბლიკაციებში ავტორი ხაზს უსმევს აფხაზეთის რესპუბლიკის საქართველოში შეერთების სამომავლო დადებით ასპექტებს."
  • უწყების განმარტებით, ბუავას საქმიანობა ტიკტოკზე "მიმართულია სუვერენიტეტის, ტერიტორიული მთლიანობის, სახელმწიფო უსაფრთხოებისა და თავდაცვის შესაძლებლობების საზიანოდ".

ოკუპირებული აფხაზეთის დეფაქტო ხელისუფლებამ სისხლის სამართლის კოდექსში ცვლილებები შეიტანა, რომლის თანახმად "აფხაზეთის მოქალაქეების მონაწილეობა აფხაზეთის, როგორც დამოუკიდებელი სახელმწიფოს სტატუსის შეცვლის შესახებ მოლაპარაკებებში, ასევე რესპუბლიკის ნებისმიერ სახელმწიფოში შესვლის შესახებ აგიტაცია და პროპაგანდაა".

  • მსგავსი ქმედება ისჯება თავისუფლების აღკვეთით 10-დან 15 წლამდე.
@tarielovich78