2022 წლის 5 დეკემბერს, მედია კონფერენცია გაიმართა, რომლის ფარგლებშიც გლოვოს თანადამფუძნებელმა საშა მიშაუდმა და გენერალურმა მენეჯერმა არტემ კოლოსიუკმა დააანონსეს კომპანიის ახალი, ძალიან საინტერესო წამოწყება — Glovo Local. ეს წამოწყება გზას უხსნის საქართველოს ბაზრის განვითარებასა და მცირე და საშუალო ბიზნესების გაციფრულებას.

იმისათვის რომ ბიზნესებმა შეძლონ მომხმარებლების რაოდენობის გაზრდა და შესაბამისად გაყიდვების მაჩვენებლის ცვლილება, აუცილებელია სწორი მარკეტინგ სტრატეგიის შემუშავება და პიარ ოპერაციების განხორციელება. დღესდღეობით მარკეტინგ სტრატეგიები ციფრულად ხორციელდება, რადგან ციფრულმა სამყარომ მოგვცა საშუალება იმაზე დიდ აუდიტორიაზე გავიდეთ, ვიდრე ოდესმე შეგვეძლო. ამიტომაც აუცილებელია ბიზნესს გააჩნდეს ციფრული იდენტობა და უკეთეს შემთხვევაში კი შეეძლოს ციფრულად ოპერირება.

გლოვო 100 ათასზე მეტ ადგილობრივ მცირე თუ საშუალო ზომის ბიზნესებთან თანამშრომლობს 25 ქვეყნის მასშტაბით. უახლესი კვლევის შედეგად, ცხადი გახდა რომ მომხმარებლები მეტად და მეტად არიან დაინტერესებული ციფრული ვაჭრობით, თუმცა მხოლოდ 20% პარტნიორებისა მართავს ბიზნესს ონლაინ. გლოვოს თანადამფუძნებლის, საშა მიშაუდის თქმით, ეს მონაცემები არის ინდიკატორი იმისა, თუ რამდენად მნიშვნელოვანი და საჩქაროა ბიზნესების გაციფრულება.

აღნიშნული კვლევის შედეგების მიხედვით ასევე დგინდება, რომ სავაჭრო და სარესტორნო ინდუსტრიაში, მცირე და საშუალო ბიზნესის 80% ნერვიულობს მომავალზე, ხოლო 32% სამომხმარებლო ხარჯების შემცირების გამოწვევის წინაშე დგას. ბიზნესების თითქმის ნახევარს (46%) უჭირს ცვლილებების ტემპის შენარჩუნება. სამწუხაროდ, ამ ყველაფერს ემატება ინფლაცია და კომუნალური გადასახადების მუდმივი ზრდა.

სწორედ მცირე და საშუალო ბიზნესების დახმარების იდეით შეიქმნა Glovo Local, რომელიც არის ერთგვარი ერთიანი ჰაბი, სადაც ბიზნესებს შეუძლიათ იმ შეთავაზებაზე რეგისტრაცია, რომლებიც მათ დაეხმარებათ ბიზნესის გაციფრულებაში.

"ჩვენ გვჯერა, Glovo Local-ის საშუალებით, მცირე და საშუალო ბიზნესების რეალობა უკეთესობისკენ შეიცვლება. პროგრამის ფარგლებში ხელმისაწვდომი შეთავაზებები მოიცავს არხებისა და მაღაზიებისთვის განკუთვნილ ციფრულ და ლოგისტიკურ სერვისებს; ინსტრუმენტებს, რომლებიც დაეხმარებიან ბიზნესებს, როგორც გაყიდვის ოპერაციების მართვაში, ასევე მიწოდების ჯაჭვის გაუმჯობესებაში; სწავლისა და განვითარების შესაძლებლობებს; მხარდაჭერას მარკეტინგულ და სარეკლამო აქტივობებში, რათა დაეხმაროს მათ მიიზიდონ ახალი მომხმარებლები და გაზარდონ საკუთარი ბიზნესის ხილვადობა", — აღნიშნავს საშა მიქაუდი, გლოვოს თანადამფუძნებელი

Glovo Local არის პირველი პროგრამა ევროპაში, აფრიკასა და აზიაში, რომელიც მცირე ბიზნესისთვის სპეციალურ სერვისს უზრუნველყოფს, რათა მათი საჭიროებები ყოველგვარი დამატებითი საფასურის გარეშე დააკმაყოფილოს. პროექტი მთელი საქართველოს მასშტაბით ამოქმედდება და სავაჭრო თუ სარესტორნო ინდუსტრიის მცირე და საშუალო ბიზნესებს სერვისების გაციფრულებაში დაეხმარება.