მოძრაობამ ტიტული "ირაკლი ღარიბაშვილსა და რუსულ სულს" გადასცა.

დეტალები: აქტივისტები წერენ, რომ წლის უღირსი ადამიანის ტიტულის მისაღებად წელს განსაკუთრებით დიდი კონკურენცია იყო და ნომინაციაში გამარჯვება ბევრ გამორჩეულ კანდიდატს შეეძლო, თუმცა წლის საუკეთესო უღირსი მხოლოდ ერთი უნდა გამხდარიყო.

  • მათივე თქმით, დეტალური განხილვისა და აქტიური დისკუსიების შემდეგ, სპეციალურად შექმნილმა კომისიამ ხმათა უმრავლესობით გადაწყვიტა, რომ წლის უღირსი ადამიანის ტიტულს 2022 წელს ყველაზე მეტად ირაკლი ღარიბაშვილი იმსახურებს.
  • "ჩვენ ვულოცავთ ამ გამარჯვებას ირაკლი ღარიბაშვილს და ვუსურვებთ, ქვეყნის სახელით უღირსი საქმის კეთების მალე დასრულებას", — წერენ აქტივისტები.

რატომ არის მნიშვნელოვანი: ამ ფორმით აქტივისტებმა კიდევ ერთხელ გააპროტესტეს პრემიერმინისტრის განცხადებები და გადაწყვეტილებები, რომელსაც ის 24 თებერვლის შემდეგ ავრცელებს.

  • ღარიბაშვილი ბოლო დღეებში კიდევ ერთხელ გახდა კრიტიკის ობიექტი, როცა უკრაინაში 5 ქართველი მებრძოლის დაღუპვაზე 2 დღე დუმდა, მესამე დღეს კი გლოვის დღის გამოცხადების ნაცვლად, დრო ოპოზიციის ლანძღვას დაუთმო.
  • ნომინაცია და ილუსტრაცია, რომლითაც ღარიბაშვილს წლის უღირსის ტიტული მიენიჭა, შთაგონებულია ჟურნალ TIME-ის წლის ადამიანის წოდებით, რომელიც ვოლოდიმირ ზელენსკის და უკრაინულ სულს გადაეცა.
  • ღარიბაშვილის ილუსტრაციაზე ქართულ ოცნების წევრების და მათთან დაკავშირებული მედიების გარდა, ვხედავთ რუსულ დროშასა და პასპორტს, პრორუსულ და ძალადობრივ ჯგუფებს — ქართულ ოცნებას ხშირად ადანაშაულებენ მათ წახალისებასა და დაუსჯელობაში.