ხაჭაპურიძე: ცუდად არის, გასაგებია, მაგრამ ჩვენი პოზიციაა, რომ პროცესზე სააკაშვილმა მიიღოს მონაწილეობა

9 Dec. 2022, 13:49

სასამართლომ, ფაქტობრივად, ამ საკითხთან დაკავშირებით იმსჯელა და გამოთქვა მზადყოფნა, თქვა, რომ დაავალებდა პენიტენციურ სამსახურს, რომ ჩართონ სააკაშვილი, რადგან ტრანსპორტირება ვერ ხერხდება, ანუ სასამართლოს მხრიდან ამაზე წინააღმდეგობა არ შეგვხვედრია.

რაც შეეხება, ტექნიკურად როგორ მოგვარდება, რადგან საავადმყოფოშია, ამისთვის ორი კალენდარული სამუშაო დღე ითხოვა. გრაფიკი შემოგვთავაზა, ჩვენ ამ გრაფიკს დავეთანხმეთ, 24სთ-იან რეჟიმში ვართ მზად, ვიმუშაოთ.

ჩვენ წარვადგინეთ მარიამ ჯიშკარიანის მიერ შესრულებული საექსპერტო დასკვნის ინგლისური ვერსია, სადაც ამერიკელი და ინგლისელი ექსპერტები აწერენ ხელს. ამის გარეშე, შეიძლებოდა, სასამართლოს დაუშვებლად ეცნო ეს მტკიცებულება და ჩვენ არ დავუშვებდით. ამიტომ ეს დასკვნა იქნა წარდგენილი. გარდა ამისა, წარდგენილი იქნა სხვა მნიშვნელოვანი მტკიცებულებები. [...]

ცუდად არის, გასაგებია, მაგრამ ჩვენი პოზიციაც არის, რომ ჩვენ გვინდა, ამ პროცესზე ამ ადამიანმა მიიღოს მონაწილეობა, პროცესი ისე ვერ ჩატარდება. წარმოუდგენელია, მიიღოს სასამართლომ გადაწყვეტილება ისე, რომ ადამიანი არ ესწრებოდეს პროცესს. [...]

ტექნიკური საკითხის მოსაგვარებლად გადაიდო პროცესი და მეორე, მტკიცებულებები, რომლებიც სახალხო დამცველმა წარმოადგინა, გუშინ იქნა, როგორც ჩანს წარმოდგენილი. ჩვენ ახლა გადმოგვეცემა, თანაშემწეს ვესაუბრე, უნდა გავეცნოთ. ჩვენ შევიტანეთ 6 ტომი საქმე, მეორე მხარესაც სჭირდება დრო ამისთვის და ორდღიანი ვადა ითხოვეს.

[სააკაშვილის ჩართვის] მზაობა გამოთქვა მოსამართლემ. დიახ, ჩაერთვება.

ბოლო ამბები: