როგორ გაცოცხლდებოდნენ იდიომები ანიმაციურ მოძრავ სურათებად

იდიომები სათქმელის გაზიარებისთვის საუკეთესო საშუალებაა, ამ გზით ადამიანი მაშინვე წარმოიდგენს, რისი თქმა გსურს. თანაც, დიალოგი ბევრად საინტერესოა, როცა გაცვეთილი სიტყვების ნაცვლად სხვადასხვა ენისთვის სახასიათო იდიომებს ვიყენებთ და საუბარს მეტ სიცოცხლეს ვძენთ.

იდიომების კიდევ ერთი ხიბლი მათი პირდაპირი მნიშვნელობით წარმოდგენისას მოგვრილი ხალისია, რაშიც ქართველი არტისტების მიერ თიბისი დაზღვევის კამპანიისთვის შექმნილი ანიმაციური GIF-ებიც დაგარწმუნებს.

1. გულზე მეხატება

თუ ერთ დღეს ტატუ სალონში შეხვალ და საწოლზე წამოგორებულ გულს დაინახავ, რომელიც რამეს იხატავს ან მიჯნურის სახელს იწერს, ნუ გაიკვირვებ, ის ხომ იმას აკეთებს, რაც გულზე ეხატება.

2. დრო მოვიდა

დილას ჩაეძინა, მაღვიძარამაც ვერ გააღვიძა, დაგვიანება კი არ უნდოდა, ამიტომ ქალაქის საცობებისთვის თავის ასარიდებლად მეტროთი მგზავრობა გადაწყვიტა. საბოლოოდ, ცოტა გვიან, მაგრამ დრო მოვიდა!

3. ჭკუაში დაჯდომა

ასე იცის, ტყუილ-მართალს, ნანახსა და მოსმენილს, სხვადასხვა სიტუაციაში განცდილს მოაგროვებს, მყუდრო გარემოს მოიწყობს და აბეზარი გონივრული აზრი ჭკუაში დაგვიჯდება და წასვლას აღარსად აპირებს.

4. ჩიტი ბრდღვნად ღირს

ჩიტის ბრდღვნის წარმოდგენა საამური ნამდვილად არაა, მაგრამ იქნებ ეს ის ჩიტია, რომელიც მიზნისკენ მიმავალ გზაზე დანებების საშუალებას არ გვაძლევს, ბოლოს კი ასრულებელ ოცნებებად იფანტება.

5. მიზნის მომწიფება

რა კარგი იქნებოდა, რომ აზრები ასე უბრალოდ იკვირტებოდნენ, დაბრკოლებებს უძლებდნენ, ძლიერდებოდნენ, ბოლოს კი მწიფდებოდნენ და წვნიან ნაყოფს გვიზიარებდნენ.

6. ვარსკვლავებთან თამაში

განვლილი გზის, დახარჯული ძალისხმევის, მრავალი სირთულის დაძლევის შემდეგ ჩამოჯდომას და ვარსკვლავებთან თამაშს რა სჯობს, იქნებ 1-2 მოწყვიტო კიდეც.

7. ჭიის გახარება

თუ ელი, რომ სამუშაოში თავჩარგული იმ მდგომარეობას მიაღწევ, როცა ჭია კმაყოფილი იქნება, ცდები. ჭიის გახარება ჩვენი რუტინის განუყოფელი ნაწილი უნდა იყოს, რომელსაც არცერთ მომენტში დავივიწყებთ.

თუ იდეა გაქვს, რომელიც გულზე გეხატება ან ჭკუაში დაგიჯდა, დაიჯერე, რომ ჩიტი ბრდღვნად ღირს, მიზანს მომწიფების საშუალება მიეცი, არ გამოტოვო სწორი დრო, რომელიც აუცილებლად მოვა, ამ გზაზე ჭიის გახარებაც არ დაივიწყო და ვარსკვლავებთან თამაშს ნამდვილად შეძლებ.

ბოლო ამბები:

გირჩევთ