ამის შესახებ ინფორმაციას პროკურატურა ავრცელებს.

რატომ არის მნიშვნელოვანი: უწყების ცნობით, 2022 წლის 16 მარტს თბილისში, გლდანის რაიონში, ანგარების მოტივით ბრალდებულმა ნათესავი ქალი მისსავე ბინაში დანით კისრის არეში დაჭრა, რის გამოც ქალი ადგილზე გარდაიცვალა.

  • პროკურატურის განცხადებით, ბრალდებულმა კვალის დაფარვის მიზნით გარდაცვლილს ბენზინი დაასხა და ცეცხლი წაუკიდა, ასევე, მის კუთვნილ ტელევიზორს დაეუფლა და შემთხვევის ადგილიდან მიიმალა.

დეტალები: დაკავებულს ბრალდება საქართველოს სისხლის სამართლის კოდექსის 109-ე მუხლის მე-3 ნაწილის გ ქვეპუნქტით (განზრახ მკვლელობა ჩადენილი ანგარებით) წარედგინა.

  • თბილისის საქალაქო სასამართლომ დაკავებულს 18 წლით თავისუფლების აღკვეთა მიუსაჯა.