ინფორმაციას CNN საკუთარ წყაროზე დაყრდნობით ავრცელებს.

რატომ არის მნიშვნელოვანი: 21 ნოემბერს კატარში მსოფლიო ჩემპიონატზე, ირანში მიმდინარე საპროტესტო აქციების გამო, ნაკრების ფეხბურთელებმა ეროვნული ჰიმნი არ იმღერეს.

  • ჰიმნის დროს ყველა მოთამაშე ჩუმად იყო, რითაც სოლიდარობა გამოუცხადეს ქვეყანაში მიმდინარე საპროტესტო აქციებს.
  • პროტესტი და გამოსვლები 22 წლის ქალის, მაჰსა ამინის დაღუპვას მოჰყვა. ის ე.წ. მორალის პოლიციამ "ჰიჯაბის ტარების წესის დარღვევისთვის" 13 სექტემბერს დააპატიმრა.
  • აქტივისტთა საინფორმაციო სააგენტო HRANA-ს ინფორმაციით, 26 ნოემბრის მდგომარეობით, დაიღუპა 450 მომიტინგე, მათ შორის 63 არასრულწლოვანი.

დეტალები: CNN-ის წყაროს ცნობით, ფეხბურთელების ოჯახის წევრები გააფრთხილეს, თუ ფეხბურთელები არ იმღერებდნენ ჰიმნს ან შეუერთდებიან რაიმე პოლიტიკურ პროტესტს თეირანის რეჟიმის წინააღმდეგ, "ძალადობისა და წამების" პირისპირ აღმოჩნდებოდნენ.

  • უკვე მე-2 თამაშზე, უელსი-ირანის მატჩის წინ ფეხბურთელებმა ეროვნული ჰიმნი შეასრულეს.
  • "კატარში ირანელი უსაფრთხოების ოფიცრების დიდი რაოდენობაა, რომლებიც ინფორმაციას აგროვებენ და აკონტროლებენ მოთამაშეებს", — ამბობს წყარო.
  • გამოცემასთან წყარო საუბრობს, რომ ფეხბურთელების ოჯახის წევრების მიმართ მუქარის შემდეგ, ნაკრების მთავარი მწვრთნელი ირანის უსაფრთხოების სამსახურის წარმომადგენლებს პირადად შეხვდა — საუბრის დეტალები უცნობია.

გარდა ამისა, წყარო აღნიშნავს, რომ ინგლისთან თამაშის წინ ფეხბურთელებს ირანის ხელისუფლება საჩუქრებსა და ავტომობილებს ჰპირდებოდნენ, თუმცა მოთამაშეებმა ეროვნული ჰიმნი არ შეასრულეს.