მეტიც, ქართული ოცნების დეპუტატი ამბობს, რომ იქამდე მათთან კონტაქტს წყვეტს.

რატომ არის მნიშვნელოვანი: 17 ნოემბერს მედიებმა გაავრცელეს ნაწყვეტი, სადაც ისმოდა, რომ სენატორთან დაკავშირებით ჟურნალისტის კითხვას დეპუტატის რეპლიკა: "ჩათლახი, მერე?" მოჰყვა.

  • მოგვიანებით ზარქუამ თავის გამართლება სცადა და პოსტი გამოაქვეყნა, სადაც ამტკიცებდა, რომ სენატორისთვის შეურაცხყოფა არ მიუყენებია და მედია დაადანაშაულა.

დეტალები: დეპუტატი წერდა, რომ შაჰინის შეურაცხყოფის მიზანი "ნამდვილად არ ჰქონია" და ჟურნალისტებთან ოფიციალური კომენტარის გაკეთებამდე, კამერების ჩართვამდე "სხვა კონტექსტში ხუმრობდა".

  • "მანამდე დაწყებული ხუმრობის გაგრძელებასთან რომ გვქონდა საქმე, ეს იქ მყოფმა ჟურნალისტებმაც კარგად იციან";
  • "ნებისმიერ შემთხვევაში ვწუხვარ, თუკი ვინმემ ისე გაიგო ჩემი გამონათქვამი, რა კონტექსტით და მიზნითაც ნაცმედიამ გაავრცელა" — ამბობდა ის.

ახლა კი ამ ჩანაწერის გასაჯაროებას მის წინააღმდეგ პროვოკაციას უწოდებს და საჯარო ბოდიშსაც ითხოვს.

  • "მანამდე კონტაქტს თქვენთან ვწყვეტ", — დასძინა ზარქუამ.