დღეს MONUMENT-ის ორგანიზებით, MONO HALL-ის სცენაზე დაუკრავს მსოფლიოში ცნობილი და ერთ-ერთი ყველაზე მოთხოვნადი მულტიინსტრუმენტალისტი და პროდიუსერი MONOLINK. მისი მუსიკა გულწრფელად ემოციურია, რამაც მის ირგვლივ უამრავ მსმენელს მოუყარა თავი მსოფლიოს მასშტაბით.

გიტარის ჟღერადობისა და ელექტრონული მუსიკის განსაკუთრებული სინთეზი კი მისი უნიკალურობის მახასიათებელია. მან უკვე გამოსცა 2 ალბომი და ის წამყვანი ფესტივალების მონაწილეა, რამაც მისი პოპულარობა ერთიორად გაზარდა.

ის საქართველოს პირველად ეწვევა და მასთან ერთად სცენას დაიკავებს ცნობილი უკრაინელი მუსიკოსი და პროდიუსერი MAMAY, მსოფლიოში ერთ-ერთი ყველაზე ცნობილი ფესტივალის Burning Man-ის თანაორგანიზატორი და უკრაინული კემპის დამფუძნებელი. მისი შემოქმედება, House და Techno მუსიკის ჟღერადობების მონაცვლეობით, ჯაზისა და ეთნო მუსიკის მაგიურ ატმოსფეროს ერწყმის. არტისტი თანამშრომლობს ისეთ მუსიკალურ ლეიბლებთან, როგორიც არის: CTS Records, Dushe Label, Artreform Records.

და ამ ორ უნიკალურ მუსიკოსს მასპინძლობას გაუწევენ ქართული სცენის გამორჩეული არტისტები UCHA და ROMA.J.

ბილეთები იყიდება ლიმიტირებული რაოდენობით

I კალათა: 90 ₾ (ყველა ბილეთი გაყიდულია)

II კალათა: 110 ₾ (შეზღუდული რაოდენობით)

VIP ბილეთები: 150₾ (შეზღუდული რაოდენობით)

ბილეთები: Monument X Monolink (Live) | TKT.GE

ასაკობრივი შეზღუდვა: 18+