მკვლევრებმა შექმნეს ვაქცინა, რომელიც ბლოკავს ფენტანილს. ეს ყველაფერი ვირთხებზე კვლევამ აჩვენა. ამას პოტენციურად შეუძლია გაუხსნას გზა ახალ მკურნალობას იმ ადამიანებისთვის, რომლებიც ცდილობენ თავი დააღწიონ ოპიოიდებზე დამოკიდებულებას.

ფენტანილზე დამოკიდებულება რჩება უაღრესად სერიოზულ პრობლემად ამერიკასა და მთელ მსოფლიოში. ის შეიძლება იყოს 50-ჯერ უფრო ძლიერი ვიდრე ჰეროინი და 100-ჯერ უფრო ძლიერი ვიდრე მორფინი. CDC-ის თანახმად, ფენტანილის ოვერდოზი ხშირ შემთხვევებში ფატალურად მთავრდება, დაახლოებით 150 ამერიკელი იღუპება ყოველდღე ისეთი სინთეზური ოპიოიდებით, როგორიცაა ფენტანილი.

კიდევ უფრო უარესი ისაა, რომ იმ ადამიანების დაახლოებით 80 პროცენტი, ვინც ეძებს მკურნალობას ოპიოიდებზე დამოკიდებულების გამო, განმეორებით დამოკიდებულებას ავლენს დეტოქსიკაციის პროგრამიდან გაწერიდან ერთი თვის განმავლობაში.

სხვა სიტყვებით რომ ვთქვათ, ჰიუსტონის უნივერსიტეტის მეცნიერების მიერ შემუშავებულმა ფენტანილზე დამოკიდებულების საწინააღმდეგო ვაქცინამ შეიძლება უზრუნველყოს ოპიოიდური ეპიდემიით დაავადებული მრავალი ადამიანის სიცოცხლისუნარიანობა.

"ჩვენ გვჯერა, რომ ამ აღმოჩენებმა შეიძლება მნიშვნელოვანი გავლენა იქონიოს ძალიან სერიოზულ პრობლემაზე, რომელიც უკვე წლებია აწუხებს საზოგადოებას — ოპიოიდების არასწორად გამოყენება", — თქვა კოლინ ჰეილმა, UH-ის მკვლევარმა და ჟურნალ Pharmaceutics-ში გამოქვეყნებულმა ახალმა კვლევის წამყვანმა ავტორმა.

მკვლევარების თქმით, ვირთხებს არასოდეს განუცდიათ გვერდითი მოვლენები.

"ეს ანტისხეულები შექმნილი იყო ფენტანილისა და ფენტანილით წარმოებული ნარკოტიკებისთვის და არ შედიოდა რეაქციაში სხვა ოპიოიდებთან, როგორიცაა მორფინი", — თქვა ჰეილმა.

ადამიანებზე კლინიკური კვლევები უკვე დაგეგმვის ეტაპზეა. მკვლევრები ვარაუდობენ, რომ ვაქცინის კლინიკური ვერსიის წარმოებას რამდენიმე თვეში დაიწყებენ.

მაგრამ ტვინის დაბლოკვამ ფენტანილის ეფექტის განცდისგან შეიძლება გამოიწვიოს არასასურველი შედეგებიც.

ერთი ისაა, რომ ფენტანილი კვლავ არის ფართოდ გამოყენებული პრეპარატი საავადმყოფოებში მთელი ქვეყნის მასშტაბით. ანესთეზიოლოგებს კვლავ შეჰყავთ ფენტანილი ძლიერი ტკივილის შესამსუბუქებლად და ასევე ოპერაციის დროს, ანესთეტიკების უკეთ მოქმედებისთვის.

ის განსაკუთრებით სასარგებლოა შედარებით ხანმოკლე ეფექტების გამო, რაც საშუალებას იძლევა ორგანიზმს უფრო სწრაფად აღდგეს მცირე ქირურგიული პროცედურების დროს. მეორეს მხრივ, ფენტანილის მსგავს წამლებს, როგორიცაა მორფინი და კოდეინი, აქვთ ბევრად უფრო ხანგრძლივი ეფექტი.

ეს არის შესანიშნავი ახალი მოვლენა — პოტენციურად ინოვაციური ვაქცინა, რომელსაც შეიძლება ჰქონდეს ხანგრძლივი შედეგები მათთვის, ვინც ებრძვის დამოკიდებულებას.

თუ გავითვალისწინებთ იმ ფაქტს, რომ ფენტანილი ჯერ კიდევ ფართოდ გამოყენებული მაღალეფექტური პრეპარატია — რომ აღარაფერი ვთქვათ სირთულეზე — ეს კვლევა ნამდვილად მნიშვნელოვანია.