ამის შესახებ უკრაინის პრეზიდენტმა ვიდეომიმართვაში ისაუბრა.

რატომ არის მნიშვნელოვანი: რუსეთი აღიარებს, რომ უკრაინის ენერგეტიკული ინფრასტრუქტურა მის მთავარ სამიზნეებს შორისაა.

  • ოქტომბრიდან აგრესორმა ასეულობით დარტყმა განახორციელა ელექტროსადგურებზე, რითაც ქვეყნის ენერგო გამომუშავების დაახლოებით მესამედი გაანადგურა.
  • უკრაინის ოლქების ნაწილი ელექტროენერგიის გარეშე დარჩა, ნაწილში კი შუქის ეტაპობრივი გათიშვა დაიწყეს ქსელის სტაბილიზაციის მიზნით.
  • ენერგეტიკის მინისტრის თქმით, 15 ნოემბერს ოკუპანტებმა ომის დაწყების შემდეგ ენერგეტიკულ სისტემაზე ყველაზე მასიური დაბომბვა განახორციელეს, რამაც სიტუაცია უფრო გაართულა.

მიზანი: დაზვერვის კონფლიქტის ჯგუფის ექსპერტის, კირილ მიხაილოვის შეფასებით, ენერგო ინფრასტრუქტურაზე თავდასხმა არ ჯდება ომის ლოგიკაში და ეს რუსეთის მცდელობაა ჰუმანიტარული კატასტროფა მიაყენოს მშვიდობიან მოსახლეობას.

დეტალები: ვოლოდიმირ ზელენსკის განცხადებით, 17-18 ნოემბრის ღამეს დაგეგმილი, სტაბილიზაციის გარდა, ელექტროენერგია ავარიული მიზეზითაც გაითიშა.

  • მისივე თქმით, ამ დროისთვის 10 მილიონზე მეტი უკრაინელი ელექტროენერგიის გარეშეა დარჩენილი, განსაკუთრებით, ვინიცას, ოდესისა და სუმის რეგიონებსა და კიევში.
  • ენერგორესურსების მიმწოდებლის, YASNO-ს ხელმძღვანელის თქმით, დღეს კიევმა შუქის გათიშვებით ანტირეკორდი მოხსნა.