დაგითვლიათ, რამდენ ჯგუფურ ჩატში ხართ? კურსელები, ნათესავები, მეზობლები, ყოფილი კლასელები, თანამშრომლები — მსგავს წრეებთან საკონტაქტოდ ჯგუფური მიმოწერა ნამდვილად ხელსაყრელი საშუალებაა. თუმცა, ალბათ ყველა ასეთ მიმოწერაში არსებობს ერთი წევრი მაინც, რომელიც თავისი შემაწუხებელი ჩვევებით ზოგჯერ ჩატის დატოვებაზეც დაგვაფიქრებს ხოლმე.

1. ყველა სიტყვას რომ ცალ-ცალკე იწერება

ფოტო: Giphy

ნელა მაინც ქნან ხოლმე...

2. ყველა წევრის მონიშვნის ფუნქციას რომ დღეში 10-ჯერ მაინც იყენებს

ფოტო: Giphy

მათთვის ყველაფერი მნიშვნელოვანი, სასწრაფო და გადაუდებელია.

3. შენი შეკითხვის შემდეგ რომ ცვლის თემას

ფოტო: Giphy

ბოდიში?! რიგი დაიკავეთ, თუ შეიძლება!

4. მადის აღმძვრელი კერძების ფოტოებს რომ ყრის ნაშუაღამევს

ფოტო: Giphy

... და იცის, რომ ჯგუფის წევრების უმეტესობა დიეტაზეა.

5. მთვრალი რომ მთელ ჩატს სპამავს

ფოტო: Giphy

შემთხვევითი სტიკერები, გიფები, სელფები — ამ ყველაფრის ატანა გვიწევს მის გამოფხიზლებამდე.

6. მხოლოდ აწეული ცერა თითის ემოჯიებით რომ შემოიფარგლება

ფოტო: Giphy

"მომწონს და მხარს ვუჭერ".

7. ქართულ ანბანთან ერთად პუნქტუაციასაც რომ ივიწყებს

ფოტო: Giphy

მისი ნაწერიდან თუ აზრი მაინც გამოგაქვს, ეს უნარ-ჩვევა რეზიუმეში უნდა ჩაიწერო.

8. საძაგელ მეტსახელებს რომ არქმევს წევრებს

ფოტო: Giphy

ნუ, კარგი, ზოგჯერ სასაცილოა, მაგრამ ბავშვობის ტრავმას რომ გახსენებს მეტსახელით... არც ისე.

9. ჩატს რომ სარეკლამო პლატფორმად იყენებს

ფოტო: Giphy

უკაცრავად... ფული ღირს ეგ!

10. პირადი მიმოწერის ფანჯარას რომ ვერ აგნებს

ფოტო: Giphy

ამის გამო შექმნილ უხერხულობებს რომ თავი დავანებოთ, ეგრეთ წოდებული Inside Joke-ები (ხუმრობა, რომელსაც ადამიანთა მხოლოდ მცირე წრეში იგებენ) ჯგუფურ მიმოწერაში ძალიან გამაღიზიანებელია.

ბონუსი: ყოველთვის ყველაფერს რომ კითხულობს, მაგრამ არასდროს არაფერს იწერება

ფოტო: Giphy

ასეთ ადამიანს ენდობით? მე — არა!