ახალ მოკლემეტრაჟიან ფილმში დისნეიმ თავისი პირველი პლუს ზომის მთავარი გმირი წარადგინა. ანიმაციური ფილმ Reflect-ის მთავარი პერსონაჟი, სახელად ბიანკა, ბალეტის მოცეკვავეა სხეულის დისმორფიული აშლილობითა და დაბალი თვითშეფასებით. ანიმაციურ ფილმში, რომლის რეჟისორიც ჰილარი ბრედფილდია, ცეკვის მასწავლებელი ბიანკას ხშირად ახსენებს, რომ მკვრივი მუცელი და გრძელი კისერი უნდა ჰქონდეს, როცა ბალეტს ცეკვავს.

ფილმის განმავლობაში ბიანკას ნელ-ნელა ემატება თავდაჯერება და ბალეტის ცეკვას აგრძელებს.

ანიმაციის რეჟისორს უმუშავია ისეთ ფილმებზე, როგორიც Frozen 2 და Encanto არის. ამ უკანასკნელმა მაყურებელს დისნეის პირველი სათვალიანი პრინცესა გააცნო.

Reflect დისნეი პლუსზე 14 სექტემბერს გამოჩნდა, მაგრამ სოციალურ ქსელებში პოპულარობა ახლახან მოიპოვა.

ერთ-ერთმა ფანმა ტვიტერზე დაწერა: "16 წლის ასაკში, სანამ ბალეტს თავს დავანებებდი, ასეთი დისნეის ფილმი მჭირდებოდა. მახსოვს, აღარ მინდოდა ცეკვის კლასში ის ერთი მსუქანი გოგო ვყოფილიყავი. მიხარია, რომ პატარებს ეს ფილმი ექნებათ. 10-დან 10 Reflect-ს."