ეროვნული ბანკის კიბერუსაფრთხოების განყოფილების უფროსი, ნინო სიმონიშვილი კიბერუსაფრთხოების ცნობიერების ამაღლების კამპანიის შესახებ საუბრობს და გვაძლევს რჩევებს, თუ როგორ შეგვიძლია დავიცვათ თავი გახშირებული კიბერთაღლითობისგან.

ეროვნული ბანკის ინიციატივით, საქართველოს საფინანსო სექტორი კიბერუსაფრთხოების ცნობიერების ამაღლების კამპანიას აღნიშნავს. კიბერუსაფრთხოების ცნობიერების ამაღლების თვე, მსოფლიო მასშტაბით, ოქტომბერში აღინიშნება.

აღსანიშნავია, რომ კიბერუსაფრთხოების ცნობიერების ამაღლების კამპანიის ფარგლებში ეროვნული ბანკი არაერთ ღონისძიებას ახორციელებს. მათ შორისაა საჯარო ლექციები, რომლებიც 28 და 31 ოქტომბერს გაიმართება. საჯარო ლექციები თემაზე "კიბერუსაფრთხოება, როგორც პროფესია" წმ. ანდრიას ქართულ უნივერსიტეტსა და ილიას სახელმწიფო უნივერსიტეტში გაიმართება.

ღონისძიებაში მონაწილეობას მიიღებენ კომერციული სექტორის კიბერუსაფრთხოების სამსახურის ექსპერტები. მომხსენებლები ისაუბრებენ კიბერუსაფრთხოების ინდუსტრიის მნიშვნელობასა და ამ სფეროში კარიერის დასაწყებად საჭირო უნარ-ჩვევებზე.

ასევე იხილეთ:

არ წამოეგო ანკესს — #იყავიკიბერფრთხილი