ამის შესახებ ინფორმაცია ქალაქ კრივი რიჰის სამხედრო ადმინისტრაციის უფროსმა, ალექსანდრ ვილკულმა ტელეგრამით გაავრცელა.

რატომ არის მნიშვნელოვანი: 10 ოქტომბერს მასიური სარაკეტო თავდასხმების შედეგად უკრაინის ქალაქებში ელექტროსისტემა დაზიანდა.

  • ელექტროენერგიის მიწოდება შეუწყდა დნეპროპეტროვსკის ოლქში მდებარე 4 მაღაროსაც, რა დროსაც ადგილზე 854 ადამიანი იმყოფებოდა.
  • ღამით უკრაინული მედია წერდა, რომ შიგნით 118 მაღაროელი რჩებოდა და მათ ამოყვანაზე მუშაობდნენ.

დეტალები: დნეპროპეტროვსკის რეგიონალური სამხედრო ადმინისტრაციის ხელმძღვანელის, ვალენტინ რეზნიჩენკოს თქმით, სამაშველო ოპერაცია ღამის 2სთ-ზე დასრულდა და ყველა მაშველი ამოყვანილია.

  • რეზნიჩენკო ამბობს, რომ მაშველებმა რუსეთის დარტყმებით პროვოცირებული ხანძრის ლიკვიდაცია სწრაფად მოახერხეს.
  • მისივე თქმით, ელექტროენერგიის მიწოდება აღუდგა მოსახლეობის უმეტესობას და გრძელდება ქსელის აღდგენა.
  • "რუსეთის თავდასხმამ ბევრი უბედურება გამოიწვია. ყველა თქვენგანმა წარმოუდგენელი რამ მოახერხა ერთ დღეში. რუსებს ჰგონიათ, რომ რაკეტებით იოლად გაგვტეხენ. ჩვენ ურყევები ვართ. და ჩვენ აღვადგენთ ყველაფერს", — ამბობს სამხედრო ადმინისტრაციის ხელმძღვანელი.