საქართველოს სახალხო დამცველი, უჩა ნანუაშვილი შრომის ინსპექციის შექმნის მიზნით კამპანიის დაწყებას გეგმავს. ამის შესახებ ნანუაშვილმა დღეს შრომის საკითხებზე საუბრისას განაცხადა.

კამპანიის შესახებ დეტალები მოგვანებით გახდება ცნობილი.

დღესვე საქართველოს პრეზიდენტმა გიორგი მარგველაშვილმა საქართველოში შრომის ინსპექციის საკითხებთან დაკავშირებული კონფერენცია გახსნა და შრომითი უფლებების დაცვის მნიშვნელობაზე ისაუბრა. მისი შეფასებით, შრომის ინპექციის შექმნა უაღრესად მნიშვნელოვანი და სწორი ნაბიჯია

საქართველოს სახალხო დამცველმა 9 მაისს, ტყიბულში, მინდელის სახელობის შახტში ოთხი მუშის გარდაცვალების შემდეგ მკვლელები უწოდა მათ, ვინც ეფექტიანი შრომის ინსპექციის შექმნას ეწინააღმდეგება.

270 დაღუპული და 776 დაშავებული - ეს არის სამუშაო ადგილებზე 2011-2016 წლებში მომხდარი ტრაგიკული შემთხვევების შედეგი. არასამთავრობო ორგანიზაციები და პროფკავშირები ამ ფაქტებს პირდაპირ ან ირიბად უკავშირებენ საქართველოში შრომის ინსპექტირების დეპარტამენტის არაეფექტიან საქმიანობას.