საერთაშორისო გამოცემა Global Finance-მა მსოფლიოს მასშტაბით საუკეთესო ციფრული ბანკები გამოავლინა. საქართველოს ბანკი, რომელსაც Global Finance-სგან აქამდეც არაერთი ჯილდო მიუღია, ამჯერად მსოფლიოში საუკეთესო სამომხმარებლო ციფრულ ბანკად დასახელდა. World’s Best Digital Bank Awards-ზე, რომლის გამარჯვებულებიც Global Finance-მა გამოავლინა, მსოფლიოს წამყვანი ბანკები იღებდნენ მონაწილეობას, საქართველოს ბანკმა კი მათ ღირსეული კონკურენცია გაუწია.

საერთაშორისო გამოცემა Global Finance-ს, რომელიც 1987 წელს დაარსდა, მკითხველები 193 ქვეყანაში ჰყავს. ჟურნალი საერთაშორისო ფინანსურ ბაზრებზე დაკვირვებით მკითხველს ანალიტიკურ სტატიებს სთავაზობს და ასევე მსოფლიოს სხვადასხვა ბანკის საქმიანობასაც თვალს აქტიურად ადევნებს. World’s Best Digital Bank Awards-ზე კი, რომელიც უკვე 23-ედ ჩატარდა, Global Finance სხვადასხვა ნომინაციაში გამარჯვებულ ბანკებს ასახელებს.

"მოხარული ვართ, რომ მივიღეთ ეს ჯილდო Global Finance-სგან და ვამაყობთ იმით, რომ დავსახელდით მომხმარებლებისთვის საუკეთესო ციფრულ ბანკად მსოფლიოში. საქართველოს ბანკში დიჯიტალიზაცია და მომხმარებელთა გამოცდილება ერთმანეთის პარალელურად ვითარდება", — განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.

საქართველოს ბანკმა მსოფლიოში საუკეთესო სამომხმარებლო ციფრული ბანკის ტიტულის მისაღებად შრომატევადი გზა განვლო, რათა მომხმარებლების მოთხოვნილებებს წარმატებულად მორგებოდა და ტექნოლოგიების მეშვეობით მაქსიმალურად კომფორტული გარემო შეექმნა. ამას ისიც ადასტურებს, რომ ამ ეტაპისთვის მომხმარებელთა კმაყოფილების (NPS) მაჩვენებელი 52%-მდეა გაზრდილი. აღსანიშნავია, რომ მომხმარებელთა კმაყოფილების მთავარი საზომი — Net Promoter Score (NPS)-ი თითქმის 2-ჯერ გაიზარდა 2022 წლის თებერვლისთვის და 47% შეადგინა (მაჩვენებელი 2017 წელს მხოლოდ 20 ქულა იყო). ამ შედეგის მიღწევა კი საქართველოს ბანკის სხვადასხვა შეთავაზებით გახდა შესაძლებელი.

ეტაპობრივად საქართველოს ბანკმა მომხმარებელთა საჭიროებებიდან გამომდინარე უამრავი სიახლე განახორციელა. ციფრული ბარათი, peer-to-peer გადახდები, თანხის გაყოფა და მოთხოვნა, ინვესტიციები, სრულად ციფრული დაკრედიტების პროცესი, ონლაინ შოპინგი, მოგვიანებით გადახდის გადაწყვეტები, ციფრული onboarding, ჩაშენებული ონლაინ ჩატი, დიზაინის სრული ცვლილება ინტერნეტ ბანკის პლატფორმაზე იმ აღსანიშნავ სიახლეებს შორისაა, რომლებმაც საქართველოში საბანკო საქმიანობის გადაფასებასა და ხელახლა განსაზღვრას შეუწყო ხელი.

"ბოლო რამდენიმე წლის განმავლობაში მივაღწიეთ მნიშვნელოვან პროგრესს — გავზარდეთ მომხმარებელთა კმაყოფილების (NPS) მაჩვენებელი 52%-მდე, გავხდით ციფრული ბანკინგის ლიდერი საქართველოში, გავაორმაგეთ ჩვენი ყოველთვიური აქტიური მომხმარებლების რაოდენობა ბოლო სამი წლის განმავლობაში და დღეისათვის ამ მაჩვენებელმა ერთ მილიონს მიაღწია, რაც თავის მხრივ, მომხმარებლებისთვის შექმნილი უნიკალური ციფრული გამოცდილების შედეგია", — ამბობს არჩილ გაჩეჩილაძე.

ყოველწლიურ World’s Best Digital Bank Awards-ზე საქართველოს ბანკმა ისეთი კონკურენტების დამარცხება შეძლო, როგორებიცაა ნიუ-იორკის ერთ-ერთი წამყვანი ბანკი Citi, მსოფლიოში სიდიდით მეორე საინვესტიციო ბანკი Goldman Sachs, დასავლეთ ევროპის წარმატებულ ბანკი Eurobank და სხვა. მსოფლიოში საუკეთესო ციფრული ბანკები შეირჩნენ Global Finance-ის რედაქტორების, ტექნოლოგიებისა და აუთსორსინგის მსოფლიო ლიდერის, Infosys-ის მსოფლიო დონის ჟიურის წევრების მიერ. რაც შეეხება მოთხოვნებს, გამარჯვებულები შემდეგი კრიტერიუმების საფუძველზე გამოვლინდნენ: მომხმარებელთა მოზიდვისა და ციფრული გამოცდილების სტრატეგიის სიძლიერე, მიმზიდველი ციფრული შეთავაზებები, ციფრული მომხმარებლების ზრდა, პროდუქტის შეთავაზებების ფართო არჩევანი, ციფრული ინიციატივებიდან მიღებული ხელშესახები შედეგები მომხმარებლისთვის, ვებგვერდისა და მობილური აპლიკაციების მოხერხებული ფუნქციონალი და დიზაინი და ა.შ.

"ციფრული ტრანსფორმაციისას მომხმარებლის ცენტრში დაყენებით საქართველოს ბანკმა დამსახურებულად მიიღო როგორც რეგიონული, ისე გლობალური ჯილდოები, როგორც საუკეთესო სამომხმარებლო ციფრული ბანკი. მობილური ბანკინგის მუდმივი განვითარება, მომხმარებლის ყოველდღიურ საჭიროებებზე მორგებული პროდუქტებისა და სერვისების მაღალი ხარისხით მიწოდება არის მხოლოდ მცირე ნაწილი იმ ნაბიჯებისა, რომელიც ბანკმა მომხმარებლის საუკეთესო გამოცდილების შესაქმნელად დაგადგა. სწორედ ამიტომ, ის დასახელდა კიდეც Global Finance-ის მიერ როგორც World's Best Consumer Digital Bank", — განაცხადა ჯოზეფ ჯარაპუტომ, Global Finance-ის დამფუძნებელმა და მთავარმა რედაქტორმა.

შეგახსენებთ, რომ Global Finance-მა საქართველოს ბანკი სხვადასხვა ნომინაციაში აქამდეც არაერთხელ დააჯილდოვა. სტატიის ბოლოს სწორედ ამ ნომინაციებს გთავაზობთ, რომლებშიც საქართველოს ბანკმა 2022 წელს გაიმარჯვა:

• საქართველოს ბანკის მობილური აპლიკაცია საუკეთესოდ დასახელდა ცენტრალურ და აღმოსავლეთ ევროპაში;
• საქართველოს ბანკის მობილური აპლიკაცია ბიზნესისთვის საუკეთესოდ დასახელდა ცენტრალურ და აღმოსავლეთ ევროპაში;
• საქართველოს ბანკი მომხმარებლისთვის საუკეთესო ციფრული შეთავაზების მიმწოდებელ ბანკად დასახელდა ცენტრალურ და აღმოსავლეთ ევროპაში;
• საქართველოს ბანკი სადეპოზიტო, საბარათე და საინვესტიციო ციფრულ პროდუქტებისა და სერვისების შეთავაზებაში საუკეთესოდ ბანკად დასახელდა;
• საქართველოს ბანკი მცირე და საშუალო ბიზნესისათვის საუკეთესო ციფრული ბანკი გახდა ცენტრალურ და აღმოსავლეთ ევროპაში;
• ვაჭრობის დაფინანსებისთვის საქართველოს ბანკი საუკეთესო ბანკად დაასახელეს ცენტრალურ და აღმოსავლეთ ევროპაში.