ინფორმაციას ამის შესახებ Meduza ავრცელებს.

რატომ არის მნიშვნელოვანი: კრემლი კრიტიკული აზრის ჩახშობას სხვადასხვა გზით ცდილობს — ომის დაწყების შემდეგ რუსეთში ანტისამთავრობო აქციები რამდენჯერმე გაიმართა, რა დროსაც ასობით ადამიანი დააკავეს.

  • 5 მარტს რუსეთმა დეზინფორმაციის შესახებ კანონიც მიიღო, რომლის თანახმადაც, რუსი სამხედროების ქმედებების შესახებ "ცრუ" ინფორმაციის გავრცელებაზე სასჯელს აწესებს.

დეტალები: მედია არტემ კამარდინის ცემისა და გაუპატიურების შესახებ ადვოკატზე დაყრდნობით წერს.

  • მისი თქმით, კამარდინი ექსტრემიზმის ბრალდებით 48 საათის განმავლობაში იყო დაკავებული — ამჟამად დროებითი მოთავსების იზოლატორში ჰყავთ გადაყვანილი;
  • Meduza-ს ცნობით, 26 სექტემბერს სამართალდამცავები აქტივისტის სახლში შეიჭრნენ და ჩხრეკა ჩაატარეს — მოგვიანებით მას კამერის წინ ომის საწინააღმდეგო ლექსის წაკითხვის გამო ბოდიშის მოხდა აიძულეს.

არქივიდან: 21 სექტემბერს პუტინმა რუსეთში "ნაწილობრივი მობილიზაცია" გამოაცხადა — მას შემდეგ რუსეთის მოქალაქეები ქვეყნის დატოვებას ცდილობენ, საზღვრებთან და აეროპორტებში რამდენიმესაათიანი რიგებია.

  • აქამდე რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა;
  • ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.