ინფორმაციას Channel 24 დაზვერვის წყაროებზე დაყრდნობით ავრცელებს. ამის შესახებ წერს კიდევ ერთი უკრაინული მედია და უკრაინის რადას დეპუტატი, ალექსეი გონჩარენკო.

რატომ არის მნიშვნელოვანი: დონეცკის აეროპორტი 2014 წლიდან აღარ ფუნქციონირებს. როგორც მედია წერს, ექსპერტები აცხადებენ, რომ ის სტრატეგიულად მნიშვნელოვანი ადგილია.

  • უკრაინელები 2014 წელს 242 დღის განმავლობაში, 2015 წლის 22 იანვრამდე, იცავდნენ აეროპორტს, თუმცა ის ოკუპანტებმა გაანადგურეს.
  • სხვადასხვა წყაროს მიხედვით, აეროდრომის დაცვის დროს 200-ზე მეტი დამცველი დაიღუპა, მათგან 58-ზე მეტი ბოლო რამდენიმე დღის განმავლობაში.

დეტალები: აეროპორტი დონეცკის ჩრდილო-დასავლეთით დაახლოებით 10 კილომეტრში მდებარეობს.

  • გავრცელდა ინფორმაცია, რომ დონეცკის ტერიტორიიდან ბოევიკებმა გასვლა დაიწყეს, მათ შორის დენის პუშილინიცაა.
  • პუშილინი დონეცკის დე ფაქტო რესპუბლიკის ხელმძღვანელია.

10 სექტემბრის მდგომარეობით, უკრაინის შეიარაღებული ძალების აქტიური კონტრშეტევა აღმოსავლეთში გრძელდება. უკვე გაათავისუფლეს ბალაქლეია, კუპიანსკი, შევიდნენ იზიუმში, ასევე ლისიჩანსკის გარეუბნებში.

  • რუსეთი კი ამტკიცებს, რომ მათ გადაიყვანეს ჯარები ხარკოვის ოლქის ქალაქებიდან დონეცკის მიმართულებით, თითქოსდა "სპეციალური სამხედრო ოპერაციის" მიზნების მისაღწევად.

  • თავდაცვის სამინისტრო უკან დახევას, "გეგმის ნაწილად" ფუთავს და ამბობს, რომ სამი დღის განმავლობაში ტარდებოდა ოპერაცია იზიუმ-ბალაკლის ჯარების ჯგუფის დაშლისა და გადაყვანის ორგანიზებისთვის ე.წ დონეცკის სახალხო რესპუბლიკის ტერიტორიაზე.