ინფორმაციას ამის შესახებ უკრაინული მედია ავრცელებს.

რატომ არის მნიშვნელოვანი: როგორც ჯარისკაცებმა ვიდეომიმართვაში განაცხადეს, უკრაინული არმია სლავიანსკის მიმართულებით გადავიდა შეტევაზე.

  • ოკუპანტებისგან გათავისუფლებული სოფელი ოზერნოე სტრატეგიული მნიშვნელობის ტერიტორიაა.

ფართო სურათი: 29 აგვისტოს სამხრეთის მიმართულებით უკრაინა შეტევაზე გადავიდა და ხერსონის რეგიონში შეიარაღებულმა ძალებმა რუსების თავდაცვის პირველი ხაზი გაარღვიეს.

  • ხერსონი რუსეთისთვის მნიშვნელოვანი რეგიონია, რადგან სწორედ ამ ტერიტორიის დახმარებით ოკუპირებული ყირიმიდან საბრძოლო იარაღისა და პერსონალის მიწოდებას ახდენს.
  • დიდი ბრიტანეთის დაზვერვა აცხადებს, რომ ხერსონის დაკარგვა ძირს უთხრის რუსეთის მცდელობებს, ომი წარმატებულად წარმოაჩინოს.