შონ მაკარდლი შვებულებას ლას-ვეგასში ატარებდა და აუზში ცურვით ტკბებოდა, როცა შენიშნა, რომ უცნობები უყურებდნენ და იცინოდნენ. თავდაპირველად შონმა ჩათვალა, რომ ეს ალკოჰოლის ბრალი იყო, თუმცა მოგვიანებით, ამის შესახებ მეგობრებსაც უთხრა. მეგობრებმა კი ზუსტად მიუთითეს, რატომ იცინოდნენ უცხოები მისი დანახვისას. ამის მიზეზი აუზზე მყოფი სხვა ადამიანი იყო, რომელიც შონს გაჭრილი ვაშლივით ჰგავდა.

მართალია, შონის ორეულს განსხვავებულად ეცვა, თუმცა მათ შორის გარეგნული მსგავსება აშკარა იყო. "აქამდე ბოლომდე დარწმუნებული არ ვიყავი, თუმცა ჩვენ ნამდვილად სიმულაციაში ვცხოვრობთ", — ასეთი აღწერით შონმა თავის ორეულთან ერთად გადაღებული ფოტო სოციალურ ქსელებში გამოაქვეყნა და ინტერნეტიც შოკში ჩააგდო.

ფოტო: Reddit

შონის მიერ გამოქვეყნებული ფოტო მაშინვე ვირუსულად გავრცელდა და მსგავსება უამრავმა ადამიანმა შენიშნა. შონმა კი აღიარა, რომ თავისი ორეული მასზე "ბევრად მაგრად" გამოიყურებოდა.

"თქვენ ორმა დნმ-ის ტესტი აუცილებლად უნდა გაიკეთოთ, რადგან ერთ-ერთი მშობელი რაღაცას მალავს", — ასე იხუმრა ფოტოს კომენტარებში ერთ-ერთმა მომხმარებელმა. თუმცა ყველაზე მეტად ინტერნეტი იმ ფაქტმა გააკვირვა, რომ ეს ორი ადამიანი ერთმანეთს შემთხვევით შეხვდა. რაც შეეხება სხვა მსგავსებებს, შონის თქმით, ორეულს მისგან ძალიან განსხვავებული ხმა აქვს და ეს ყველაფერი მხოლოდ გარეგნული მსგავსებით შემოიფარგლება.