ამის შესახებ ქართული ოცნების აღმასრულებელმა მდივანმა, მამუკა მდინარაძემ განაცხადა.

რატომ არის მნიშვნელოვანი: მდინარაძის თქმით, საპარლამენტო უმრავლესობა წარადგენს კანდიდატს მხოლოდ იმ ერთადერთ შემთხვევაში, თუ ოპოზიციური სუბიექტების მხრიდან პროცესი ხელოვნურად დაიბლოკება კანდიდატების არწარდგენის გზით.

  • "თუ პირს შეკრავენ ოპოზიციური სუბიექტები და არ წარადგენენ არცერთ კანდიდატურას იმისთვის, რომ პროცესი დაიბლოკოს, რეკომენდაციების მე-12 პუნქტი არ შესრულდეს და ვერ მოხდეს არჩევა, მხოლოდ ამ შემთხვევაში დავიტოვებთ წარდგენის უფლებას", — განმარტავს ის.

დეტალები: პარტიის აღმასრულებელი მდივანის განცხადებით, კანდიდატის შეფასების ზოგადი კრიტერიუმები გაიწერება და შეიქმნება საფუძველი, რომ პარლამენტის თავმჯდომარემ გამოსცეს საგანგებო ბრძანება, სადაც განისაზღვრება კანდიდატების შეფასების წესი.

  • მდინარაძე ამბობს, რომ დღეს და გუშინ საპარლამენტო ოპოზიციის, სამოქალაქო სექტორის წარმომადგენელთან გაიმართა შეხვედრები, მათი პოზიციების გათვალისწინებით კი მიიღეს ეს გადაწყვეტილებები.
  • მისი განმარტებით, საქართველოს პარლამენტის რეგლამენტში ცვლილებას დღესვე დაარეგისტრირებენ.