ქალთა ინიციატივების მხარდამჭერი ჯგუფის (WISG) კვლევის მიხედვით, საქართველოში გამოკითხულთა დიდი ნაწილი ლგბტ ადამიანების უფლებრივ თანასწორობას პროპაგანდად აღიქვამს.

51,2% სრულიად ეთანხმება დებულებას, რომ ლგბტ ადამიანების უფლებები დაცული უნდა იყოს, მაგრამ არაა საჭირო რომ გეებმა/ლესბოსელებმა თავიანთი ცხოვრების სტილი სხვებს მოახვიონ თავზე.

აღნიშნულ დებულებას ნაწილობრივ ეთანხმება 29,5%, მათი ცხოვრების წესის მიმართ ნეიტრალურადაა განწყობილი 5,1%, დებულებას ნაწილობრივ არ იზიარებს გამოკითხულთა 5,5%, ხოლო სრულიად არ ეთანხმება 8,8%.

ჰაინრიხ ბიოლის ფონდმა ევროკავშირის ფინანსური მხარდაჭერით 3 წლიანი პროექტი დაიწყო, რომელიც საქართველოსა და სომხეთში ჰომოფობიური განწყობების გაქრობას, მოქალაქეების ცნობიერების ამაღელბასა და ლგბტ ადამიანების საზოგადოებრივ ცხოვრებაში სრულფასოვან ჩართვას ისახავს მიზნად.

პროექტის ფარგლებში ქალთა ინიციატივების მხარდამჭერმა ჯგუფმა (WISG) ჩაატარა კვლევა, რომელშიც მონაწილეობა მიიღო 2,000-მა რესპონდენტმა საქართველოს მასშტაბით.

პროექტის პარტნიორები არიან: ქალთა ინიციატივების მხარდამჭერი ჯგუფი (WISG) და ადამიანის უფლებების სწავლებისა და მონიტორინგის ცენტრი (EMC) საქართველოში და საზოგადოება ძალადობის გარეშე (SWV) და საჯარო ინფორმირება და ცოდნის აუცილებლობა (PINK) სომხეთში.