რუსეთის ფედერაციის პრეზიდენტმა განკარგულებას ხელი მოაწერა.

რატომ არის მნიშვნელოვანი: უკრაინაში ომის დაწყების შემდეგ, რასაც რუსეთის ხელისუფლება "სპეციალურ სამხედრო ოპერაციას" უწოდებს, 6 თვეზე მეტი გავიდა.

  • არაერთი ინფორმაცია გაჟღერდა იმასთან დაკავშირებით, რომ კრემლში ფიქრობდნენ, კიევს რამდენიმე დღეში აიღებდნენ, უკრაინისგან კი ამხელა წინააღმდეგობა მათთვის მოულოდნელი იყო.

დეტალები: რუსული პროპაგანდისტული მედიის ცნობით, რუსეთი შეიარაღებულ ძალებს 137 000 სამხედრო მოსამსახურით ზრდის.

  • მათივე ინფორმაციით, 2017 წლის 17 ნოემბრის დადგენილების მიხედვით, რუსეთის არმიის ჯარისკაცებისა და ოფიცრების რაოდენობა 1 902 758 იყო, მათ შორის 1 013 628 სამხედრო პერსონალი.

კონტექსტი: უკრაინის გენერალური შტაბის მონაცემებით, ომის დაწყებიდან დღემდე 45 850 რუსი ჯარისკაცი დაიღუპა.