უკრაინის შეიარაღებული ძალების გენერალურმა შტაბმა რუსული არმიის დანაკარგები განაახლა. უწყების განცხადებით, ლიკვიდირებულია 45 700 რუსი მებრძოლი.

რატომ არის მნიშვნელოვანი: კრემლი კიევის აღებას 3 დღეში გეგმავდა, დღეს კი ომის დაწყებიდან ზუსტად 6 თვე გავიდა და უკრაინა ისევ იბრძვის, რუსეთი კი დანაკარგებს ისევ მალავს.

  • გენერალური შტაბი ინფორმაციის ერთადერთი წყაროა, რადგან რუსეთს ამ დრომდე მხოლოდ 1 000-ზე მეტი ჯარისკაცისა და ოფიცრის დაღუპვაზე აქვს გაცხადებული.

რიცხვებში: უკრაინული მხარის ინფორმაციით, ამ დროისთვის განადგურებულია 1 924 რუსული ტანკი, 4 243 საბრძოლო ჯავშანტექნიკა, 1 036 საარტილერიო და 147 საზენიტო საბრძოლო სისტემა. გარდა ამისა:

  • 234 თვითმფრინავი;
  • 199 ვერტმფრენი;
  • 15 გემი, ნავი;
  • 3 160 საავტომობილო ტექნიკა.
  • 99 სპეცტექნიკა.

რა დანაკარგები აქვს უკრაინას: შესაბამისი უწყებები ყოველდღიურ რეჟიმში არ აქვეყნებენ საკუთარ დანაკარგებს, რასაც სტრატეგიულ მიზნებით ხსნიან.

  • ბოლო მონაცემები 22 აგვისტოს უკრაინის შეიარაღებული ძალების მთავარსარდალმა გაავრცელა.
  • ვალერი ზალუჟნის თქმით, დღეის მონაცემებით უკრაინას 9 000 მებრძოლი დაეღუპა.
  • უკრაინის თავდაცვის მინისტრმა, ალექსეი რეზნიკოვმა განაცხადა, რომ უკრაინამ ომის "ყველაზე ცუდი სცენარი" უკან მოიტოვა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.