სოციალურ ქსელებში გავრცელებული ფოტოებიდან ვიგებთ, რომ კრის ჯენერმა ანუკი არეშიძის შექმნილი სამოსი მოირგო. რამდენიმე დღის წინ გადაღებულ ფოტოებში ჩანს, რომ კრის ჯენერს ღია ვარდისფერი პალტო და შარვალი აცვია, რომელიც ქართველი დიზაინერის 2022 წლის კოლექციიდანაა.

ამ ფაქტს თავად ანუკი არეშიძეს გამოეხმაურა და სოციალურ ქსელებში პოსტი გამოაქვეყნა. "კრის ჯენერს აცვია პალტო და შარვალი ანუკის 2022 წლის რეზორტ კოლექციიდან", — ვკითხულობთ ქართველი დიზაინერის ფეისბუქის ოფიციალურ გვერდზე.

გავრცელებული ინფორმაციით, კენდალ ჯენერი ანუკი არეშიძის სამოსით მალიბუში გამართულ ტეკილას წვეულებას დაესწრო. წვეულების ორგანიზატორი კენდალ ჯენერი იყო და კარდაშიანების ოჯახის გარდა, სხვა ცნობილ ადამიანებთან ერთად მოდელმა ჯასტინ და ჰეილი ბიბერებსაც უმასპინძლა.

ეს პირველი შემთხვევა არ არის, როცა ცნობილმა ადამიანებმა ანუკი არეშიძის სამოსი მოირგეს. ილონ მასკის დედას სატელევიზიო ინტერვიუში ანუკის კოლექციიდან ერთ-ერთი კაბა ეცვა. კაბა, რომელიც მეი მასკმა მოირგო, ანუკიმ 2017 წელს შექმნა 2018 წლის საკრუიზო სეზონის კოლექციისთვის. ასევე აღსანიშნავია, რომ Emily in Paris-ის ერთ-ერთ სერიაში ლილი კოლინზს ანუკი არეშიძის შექმნილი კაბა აცვია.