უწყების განცხადებით, გადაწყვეტილება ბოლნისის რაიონულმა სასამართლომ მიიღო, პროკურატურა კი მას თბილისის სააპელაციო სასამართლოში გაასაჩივრებს.

რატომ არის მნიშვნელოვანი: პროკურატურის ცნობით, ბრალდებულს ბრალი სსკ-ის 140-ე მუხლის წარუდგინეს, რაც 16 წელს მიუღწეველ პირთან სექსუალური ხასიათის კავშირს გულისხმობს.

  • დანაშაული სასჯელის ზომად 7-დან 9 წლამდე თავისუფლების აღკვეთას ითვალისწინებს, სასამართლომ კი პროკურატურის შუამდგომლობა აღვეთის სახით პატიმრობის გამოყენებაზე არ დააკმაყოფილა.

დეტალები: უწყების თქმით, დაზარალებულის ოჯახის წევრის განცხადების საფუძველზე, შსს-მ გამოძიება 14 აგვისტოს დაიწყო, ბრალდებული კი 16 აგვისტოს დააკავეს.

  • პროკურატურის თანახმად, თავდაპირველად გამოძიება თავისუფლების უკანონოდ აღკვეთის ფაქტზე სსკ-ის 143-ე მუხლის პირველი ნაწილით დაიწყო.
  • თავისუფლების აღკვეთის ფაქტი არ გამოკვეთილა, მაგრამ დადგინდა, რომ ბრალდებულმა არასრულწლოვანი "ქორწინების მიზნით, ნებაყოფლობით წაიყვანა ნათესავის სახლში და მასთან დაამყარა სქესობრივი კავშირი".