უკრაინის დაზვერვა აცხადებს, რომ რუსებს თვითმფრინავები და ვერტმფრენები გადააქვთ როგორც რუსეთის ტერიტორიაზე, ისე ყირიმის ნახევარკუნძულის სიღრმეში.

დეტალები: დაზვერვა იუწყება, რომ ოკუპანტებმა სულ მცირე 24 თვითმფრინავი და 14 ვერტმფრენი გადაიტანეს.

  • მათი თქმით, ფრენების დროს ერთ-ერთ MIG-31-ს ცეცხლი გაუჩნდა, რაც, სავარაუდოდ, მთავარი მამოძრავებელი და სანავიგაციო სისტემის დაზიანებამ გამოიწვია.

რატომ არის მნიშვნელოვანი: უკვე რამდენიმე დღეა ოკუპირებულ ყირიმში აფეთქებებია.

  • მხოლოდ გუშინ სამხედრო ბაზებზე ორი აფეთქება მოხდა.
  • რამდენიმე დღით ადრე კი აფეთქება იყო ყირიმის ერთ-ერთ სამხედრო ავიადრომზე, რის შედეგადაც 9 თვითმფრინავი განადგურდა.

ოფიციალურად უკრაინას არცერთ ინდიდენტში თავისი მონაწილეობა არ დაუდასტურებია, თუმცა ირიბად ამისკენ მიანიშნეს.

  • თავის მხრივ რუსეთი ცდილობს ეს არა უკრაინის შეტევად, არამედ უბედურ შემთხვევად წარმოაჩინოს.
  • მაგალიათად: როგორც კრემლისტური მედია რია აცხადებს, რუსეთის თავდაცვის სამინისტრომ მაისკისში მომხდარი აფეთქებები დაადასტურა, თუმცა განაცხადა, რომ აფეთქება სამხედრო ნაწილში ხანძრის გამო მოხდა.