ნეტფლიქსის პოპულარული სერიალი Love, Death & Robots მე-4 სეზონით გაგრძელდება. სტრიმინგ პლატფორმამ მიღებული გადაწყვეტილება სერიალის ერთგულ მაყურებლებს ინსტაგრამზე ახარა.

Love, Death & Robots, რომელიც ანთოლოგიური სერიალია, ნეტფლიქსზე 2019 წელს დაიწყო. მისი ამ დროისთვის ბოლო სეზონი, რომელმაც ცხრა ეპიზოდი მოიცვა, წლევანდელი წლის მაისში გამოვიდა.

საი-ფაი სერიალმა, რომლის ყველა ეპიზოდი დამოუკიდებელია, მაყურებელთა დიდი სიყვარული და არაერთი პრესტიჟული პრიზიც დაიმსახურა. Love, Death & Robots-მა აქამდე ემის 12 ჯილდო მოიპოვა.

აღსანიშნავია, რომ ცალკეულ ეპიზოდებზე სხვადასხვა ქვეყნის სტუდიები მუშაობენ, შესაბამისად, ამბებთან ერთად განსხვავდება ანიმაციის სტილი. ამის მიუხედავად, სერიების თემატიკა დისტოპიურ სამყაროში და სათაურშივე ნახსენები ძირითადი თემების ირგვლივ ტრიალებს.

სერიალის აღმასრულებელი პროდიუსერები ტიმ მილერი, დევიდ ფინჩერი, ჯენიფერ მილერი და ჯოშუა დონენი არიან. როგორც მილერმა წინათ აღნიშნა, Love, Death & Robots-ზე მუშაობა ზრდასრული მაყურებლისთვის დახვეწილი კომპიუტერული გრაფიკით შექმნილი ანიმაციის იდეით დაიწყო.

ასევე იხილეთ: