ამის შესახებ ნაციონალური მოძრაობის წევრმა, ლევან ხაბეიშვილმა გამართულ ბრიფინგზე ისაუბრა.

რატომ არის მნიშვნელოვანი: ხაბეიშვილის თქმით, რუსეთის 16 480 მოქალაქეს საქართველოში ბინადრობის უფლება აქვს.

  • ამას გარდა, რუსეთის მოქალაქეებმა ქვეყანაში 3 200-ზე მეტი უძრავი ქონება დაარეგისტრირეს.
  • ამაზე საუბარი TI-ის ანგარიშშიც იყო.

დეტალები: მისი განცხადებით, რუსეთის 6 000 მოქალაქე ბოლო 6 თვეში საქართველოში ინდმეწარმედ დარეგისტრირდა, რაც "იმ პირობებში, როდესაც ხელისუფლება არაფერს აკონტროლებს", საფრთხისშემცველია.

  • "ამ მოქალაქეებს არანაირი შეზღუდვა არ აქვს. არ ვიცით ეს ადამიანები არღვევენ თუ არა ოკუპაციის შესახებ კანონს".
  • "ეს ხალხი არა თუ ჩვენს ტერიტორიულ მთლიანობას აღიარებს, არამედ გვეჩხუბება და აგრესიულობს, როცა მაგალითად, ვამბობთ, რომ რუსეთი და პუტინი ოკუპანტია".

ენმ მთავრობას სთავაზობს, რუსი ტურისტები ქვეყანაში მხოლოდ ერთი თვით შემოუშვან და უძრავი ქონების ყიდვასა და სამეწარმეო საქმიანობის დაწყებაზე შეზღუდვები დაუწესონ.

  • "საზღვარზე გაჩნდეს ერთი პუნქტი და თუ ტურისტი, სტუმარი მოდის კეთილი ზრახვებით, კეთილი ინებოს და აღიაროს საქართველო ტერიტორიული მთლინობა".