ცოტა ხნის წინ კიმ კარდაშიანმა და პიტ დევიდსონმა მათი დაშორების შესახებ ინფორმაცია ოფიციალურად დაადასტურეს. ამ ამბავს სოციალური ქსელების მომხმარებლებიც გამოეხმაურნენ, თუმცა ეს ფაქტი კომენტარის გარეშე არც კანიე ვესტს დაუტოვებია.

შეგახსენებთ, რომ კანიე ვესტი და კიმ კარდაშიანი უკვე დიდი ხანია, განქორწინდნენ. ამის მიუხედავად, კანიე ვესტი კიმ კარდაშიანის ყოფილი შეყვარებულის, პიტ დევისდონსის შესახებ სოციალურ მედიაში დამამცირებელ პოსტებს ხშირად აქვეყნებდა. გარდა ამისა, სოციალურ ქსელში პოსტების გამო კანიე ვესტი კიმის შევიწროებაშიც დაადანაშაულეს.

კანიე ვესტმა პიტ დევიდსონი ოჯახის დანგრევაში არაერთხელ დაადანაშაულა. რამდენიმე თვის წინ კანიემ ძალადობრივი მუსიკალური ვიდეო გამოუშვა, რომელშიც პიტ დევიდსონის "მოკვეთილი თავია" ნაჩვენები, რის გამოც ინსტაგრამი დაუბლოკეს. კანიე იმის წინააღმდეგიც იყო, რომ პიტ დევისდონს თავისი და კიმ კარდაშიანის შვილები გაეცნო. შემდეგ კი სოციალურ ქსელებში გულშემატკივრებს მოუწოდა, რომ სადაც პიტს დაინახავდნენ, მისთვის ეყვირათ.

გასულ პარასკევს მედიაში გავრცელდა ინფორმაცია, რომ კიმ კარდაშიანი და პიტ დევიდსონი 9-თვიანი ურთიერთობის შემდეგ დაშორდნენ. ამაზე პასუხად კანიე ვესტმა ინსტაგრამზე New York Times-ის მთავარი გვერდი ფოტოშოპით შეცვალა და ფოტო დადო, რომელზეც ეწერა, რომ "SKETE დევიდსონი 28 წლის ასაკში გარდაიცვალა". პიტ დევიდსონი მართლაც 28 წლის არის, ხოლო მომღერლის სახელის გადათამაშებით მიღებული სიტყვა SKETE ჟარგონია, რომელსაც დამამცირებელ კონტექსტში იყენებენ.

ფოტო: Insgatram

ეს ყველაფერი კი მას შემდეგ მოხდა, რაც კანიეს უხეში განცხადების შემდეგ კიმ კარდაშიანმა და მისმა ყოფილმა ქმარმა უთანხმოება მოაგვარეს. კანიე კი აპირებდა, რომ საჯარო დავის შემდეგ კიმთან მშვიდი ურთიერთობა შეენარჩუნებინა.