ომარი 3 წლის მეინ-კუნია, რომელიც მელბურნში, ავსტრალიაში ცხოვრობს. ის სიგრძეში 120 სანტიმეტრია და 14 კილოგრამს იწონის. ოფიციალური მონაცემები არ არსებობს, მაგრამ შესაძლოა, ის მსოფლიოში ყველაზე გრძელი კატა იყოს.

მის პატრონს უკვე დაუკავშირდა გინესის რეკორდების წარმომადგენელი, რომელიც ომარს სახლში ეწვევა და გაზომავს. თუ აღმოჩნდა, რომ ის მართლაც 120 სანტიმეტრია, ამჟამინდელ რეკორდს გააუმჯობესებს. ყველაზე გრძელი კატის მოქმედი რეკორდი ბრიტანეთში მცხოვრებ მეინ-კუნს, ლუტონს ეკუთვნის, რომელიც სიგრძეში 118.33 სანტიმეტრია.

ომარს თავისი ინსტრაგრამიც აქვს.

ომარს სპეციფიკური რაციონი აქვს, საუზმეზე ის მეინ-კუნებისთვის შექმნილ სპეციალურ საჭმელს ჭამს, ხოლო სადილად კენგურუს უმ ხორცს აჭმევენ. იმიტომ რომ ავსტრალიაა და შესაბამისად, აქ კატები ჭამენ კენგურუებს, რატომაც არა.

ფოტოებით თუ ვიმსჯელებთ, ომარი ძალიან საყვარელი კატაა და იმედია ავი არაა.