გადაწყვეტილება მცხეთის რაიონულმა სასამართლომ მიიღო. ინფორმაცია On.ge-ს სასამართლოში დაუდასტურეს.

რატომ არის მნიშვნელოვანი: მკვლელობაში ბრალდებულმა პროკურატურის განცხადებით, 28 ივლისს ურთიერთშელაპარაკების ნიადაგზე 20 წლის კაცს გულ-მკერდის არეში დაზიანება მიაყენა და შემთხვევის ადგილიდან მიიმალა.

  • მან სასამართლოზე დანაშაული ნაწილობრივ აღიარა. თქვა, რომ მსხვერპლი მისი მიყენებული ჭრილობების შედეგად გარდაიცვალა, თუმცა ბრალდებული აღნიშნა, რომ ხულიგნობაში თავს დამნაშავედ არ თვლის.
  • დანარჩენ 7 პირს ბრალი გამოძიებისთვის ცრუ ინფორმაციის მიწოდებაში, დანაშაულის შეუტყობინებლობისა და ხულიგნობის ფაქტებზე ჰქონდათ წარდგენილი.

დეტალები: პროკურატურამ მკვლელობაში ბრალდებულს ბრალი 239-ე მუხლის მე-2 ნაწილის "ა" ქვეპუნქტით (განძრახ მკვლელობა) და მე-3 ნაწილით (ხულიგნობა, ჩადენილი წინასწარი შეთანხმებით ჯგუფის მიერ, დანის გამოყენებით) წარუდგინა, რაც სასჯელის სახედ და ზომად 10-დან 15 წლამდე თავისუფლების აღკვეთას ითვალისწინებს.

  • ხუთ პირს ბრალდება 239-ე მუხლის მე-2 ნაწილის "ა" ქვეპუნქტით (ხულიგნობა, ჩადენილი წინასწარი შეთანხმებით ჯგუფის მიერ) წარედგინა, რაც სასჯელის სახედ და ზომად ორიდან ხუთ წლამდე თავისუფლების აღკვეთას ითვალისწინებს;
  • ხოლო ორ პირს ბრალდება 370-ე მუხლის მესამე ნაწილით (ცრუ ინფორმაციის მიწოდება) და 376-ე მუხლის პირველი ნაწილით (მძიმე დანაშაულის შეუტყობინებლობა) წარედგინა, რაც სასჯელის სახედ და ზომად სამიდან შვიდ წლამდე თავისუფლების აღკვეთას ითვალისწინებს.