პოლ სორვინო, რომელმაც მაყურებელს Goodfellas-ში შესრულებული როლით თავი დაამახსოვრა, 83 წლის ასაკში გარდაიცვალა. ოჯახის თქმით, მსახიობი ფლორიდის შტატის ერთ-ერთ საავადმყოფოში გარდაიცვალა.

"გული მწყდება და ვიცი, რომ სხვა პოლ სორვინო აღარასდროს გვეყოლება. ის ჩემი ცხოვრების სიყვარული და ერთ-ერთი საუკეთესო მსახიობი იყო, რომელიც ოდესმე სცენასა და ეკრანზე გვინახავს", — წერს პოლ სორვინოს ცოლი.

ფოტო: Warner Bros.

შეგახსენებთ, რომ პოლ სორვინოს კარიერა ნახევარ საუკუნეზე დიდხანს გაგრძელდა და მან ცნობილი როლები ისეთ ფილმებში შეასრულა, როგორებიცაა The Gambler, Nixon, Romeo + Juliet და The Cooler. მსახიობი 1973 წელს Tony award-ზე იყო ნომინირებული ფილმ That Championship Season-ში შესრულებული როლისთვის.

სორვინოს პირველი ცოლისგან სამი შვილი ჰყავს, რომელთაგან ორი მსახიობი და ერთი მწერალია. მსახიობის შვილმა მირა სორვინომ ვუდი ალენის ფილმში Mighty Aphrodite შესრულებული როლისთვის საუკეთესო მეორეხარისხოვანი მსახიობი ქალის კატეგორიაში ოსკარი და ოქროს გლობუსი მიიღო.