მედიის ადვოკატირების კოალიცია იმედს გამოთქვამს, რომ სააპელაციო სასამართლო ობიექტურად შეაფასებს პირველი ინსტანციის სასამართლოს მიერ მიღებულ გადაწყვეტილებას, გაითვალისწინებს სახალხო დამცველის, სხვა ორგანიზაციების მოსაზრებებს საქმის გარემოებებთან დაკავშირებით და მიიღებს გადაწყვეტილებას, რომელიც ხელს შეუწყობს ქვეყნის ევროინტეგრაციას.

რატომ არის მნიშვნელოვანი: კოალიცია აცხადებს, რომ ნიკა გვარამიას მიმართ გამოტანილი გამამტყუნებელი განაჩენი დანაშაულის შემადგენლობის და სასჯელის ზომის განსაზღვრის თვალსაზრისით მნიშვნელოვან დარღვევებს შეიცავს.

  • მათივე თქმით, გვარამიას საქმის განხილვით სააპელაციო სასამართლოს განსაკუთრებული შესაძლებლობა ეძლევა უზრუნველყოს ევროკომისიის რეკომენდაციის შესრულება.

დეტალები: დღეს, 19 ივლისს სააპელაციო სასამართლო მთავარი არხის დამფუძნებლისა და გენერალური დირექტორის, ნიკა გვარამიას წინააღმდეგ წარმოებულ სისხლის სამართლის საქმეს განიხილავს.

  • გვარამიას მიმართ გამამტყუნებელი განაჩენი საქალაქო სასამართლოში 2021 წლის 16 მაისს გამოიტანეს და მას 3 წლითა და 6 თვით პატიმრობა მიესაჯა.
  • საქმე ეხება ბრალდებას ტელეკომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების შესახებ.